છેલ્લા સાત દિવસમાં ચોથી ઘટના- વધુ એક ટ્રક ચાલકે બે અધિકારીઓને કચડ્યા- બંનેના કમકમાટી ભર્યા મોત

ઉત્તર પ્રદેશના સુલતાનપુર (Sultanpur, Uttar Pradesh) માં એક ટ્રક ડ્રાઈવરે એઆરટીઓ એન્ફોર્સમેન્ટના કોન્સ્ટેબલ અને ડ્રાઈવરને કચડી નાખ્યા. આટલું જ નહિ એઆરટીઓના વાહનને પણ ટક્કર મારી હતી અને ત્યારબાદ ચાલક ટ્રક છોડી ભાગી ગયો હતો. આ અકસ્માતમાં બંને કર્મચારીઓના મોત થયા છે, જ્યારે એક અધિકારી બચી ગયો હતો.

એઆરટીઓ અધિકારીએ ટ્રકને રોકવાનો સંકેત આપ્યો હતો હતો, પરંતુ ટ્રક ડાઈવરે ટ્રક રોકવાને બદલે વધુ સ્પીડ પકડી હતી અને ઘટનાને અંજામ આપ્યો હતો. દુર્ઘટનાની માહિતી મળતા જ પોલીસ અધિક્ષક સોમેન બર્મા ફોર્સ સાથે ઘટનાસ્થળે પહોંચી ગયા હતા. તેમણે સ્થળનું નિરીક્ષણ કર્યું હતું. આ મામલે ARTO એન્ફોર્સમેન્ટે કેસ નોંધ્યો છે. પોલીસે ટ્રકનો કબજો મેળવી કાર્યવાહી હાથ ધરી છે.

પોલીસ અધિકારીઓને વાહનોથી કચડી નાખવાની આ ઘટના છેલ્લા એક સપ્તાહમાં ચોથી ઘટના છે. આ પહેલા હરિયાણામાં ડીએસપી અને ઝારખંડમાં એસઆઈને અને ગુજરાતમાં પોલીસ કોન્સ્ટેબલને ગુનેગારોએ કચડીને મારી નાખ્યા હતા.

ગોસાઈગંજ પોલીસ સ્ટેશન વિસ્તારના માધવપુર છટૌના ગામ પાસે આ અકસ્માત થયો હતો. એઆરટીઓ એન્ફોર્સમેન્ટ રાકેશ કુમાર વર્મા મંગળવારે સવારે લગભગ 4 વાગ્યે લખનૌ-બલિયા રોડ પર ચેકિંગ માટે નીકળ્યા હતા. માધવપુર છટાણા ગામ પાસે વાહનમાંથી નીચે ઉતરીને ટીમ સાથે વાહનોનું ચેકીંગ કરી રહ્યા હતા.