આ સમાચાર સાંભળીને Pathaan ફિલ્મના વિરોધીઓને આવી જશે હાર્ટ એટેક

Pathaan Advance Booking: હિન્દી સિનેમાના સુપરસ્ટાર શાહરૂખ ખાન(Shah Rukh Khan)ના ચાહકો દુનિયાભરમાં રહેલા છે. આ દિવસોમાં દરેક લોકો શાહરૂખની મોસ્ટ અવેટેડ ફિલ્મ ‘પઠાણ'(Pathaan)ની આતુરતાથી રાહ જોઈ રહ્યા છે. 25 જાન્યુઆરીએ રિલીઝ થનારી ‘પઠાણ’ની ટિકિટનું એડવાન્સ બુકિંગ ભારતમાં ખૂબ જ ઝડપથી ચાલી રહ્યું છે. એટલું જ નહીં, વિદેશમાં ‘પઠાણ’ ટિકિટનું એડવાન્સ બુકિંગ ખુબ જ ઝડપથી થઈ રહ્યું છે. જેના આંકડા જાણીને તમે ચોક્કસ ચોંકી જશો.

વિદેશમાં ‘પઠાણ’નું એડવાન્સ બુકિંગ શરુ
શાહરૂખ ખાનની ફિલ્મ ‘પઠાણ’ના ટ્રેલરે બધાનું દિલ જીતી લીધું છે. આ જ કારણ છે કે લોકો ‘પઠાણ’ માટે તલપાપડ બન્યા છે. દરમિયાન પિંકવિલાના અહેવાલમાં ખુલાસો થયો છે કે, ઓસ્ટ્રેલિયા, જર્મની અને યુએઈમાં શાહરૂખ ખાનની ‘પઠાણ’ માટે ટિકિટનું એડવાન્સ બુકિંગ પૂરજોશમાં ચાલી રહ્યું છે. હકીકતમાં, પહેલા દિવસે કિંગ ખાનના પઠાણને જોવા માટે લગભગ 4500 ટિકિટોનું એડવાન્સ બુકિંગ એકલા જર્મનીમાં થઈ ગયું છે.

આ વીકએન્ડ પર પઠાણને એન્જોય કરવા માટે જર્મનીમાં લગભગ 9000 ટિકિટ એડવાન્સ બુક કરવામાં આવી છે. આ સિવાય ઓસ્ટ્રેલિયામાં શાહરૂખના પઠાણ માટે 3000થી વધુ ટિકિટ એડવાન્સ બુક કરવામાં આવી છે. તે જ સમયે, UAE માં પણ આવું જ દ્રશ્ય જોવા મળ્યું છે, જ્યાં ‘પઠાણ’ની 3500 ટિકિટ રિલીઝ પહેલા જ વેચાઈ ગઈ છે.