પવિત્ર શ્રાવણ માસના પહેલા સોમવારે શિવાલયોમાં ઉમટી શિવભક્તોની ભીડ – ‘બમ બમ ભોલે’ના નાદથી ગુંજ્યા મંદિરો

શ્રાવણ માસ (Shravan)નું મહત્વ શિવભક્તો (Devotees of Shiva)માં સૌથી વધારે હોય છે. ત્યારે પવિત્ર શ્રાવણ મહિનો શરુ થઈ ચુક્યો છે. તેમાં પણ આજે શ્રાવણ મહિનાનો પ્રથમ સોમવાર છે. કહેવામાં આવે છે કે, શ્રાવણ મહિનો એ ભોલેનાથ (Bholenath)નો પ્રિય મહિનો છે. આ માસમાં જે ભક્ત ભગવાન શિવની સાચા મનથી અને ભક્તિભાવથી પૂજા કરે છે તેની તમામ મનોકામનાઓ પૂર્ણ થાય છે.

સુરત શહેર સહિત જિલ્લાના તમામ શિવાલયો ‘બમ બમ ભોલે’ના નાદથી ગુંજી ઉઠ્યા છે. સુરતના કર્મનાથ મંદિર, પાલના અટલ આશ્રમ, સિદ્ધકુટિર મહાદેવ સહિતના મંદિરોમાં વહેલી સવારથી ભાવિકોની ભીડ જોવા મળી રહી છે. મંદિરોમાં ભાવિકોને લઈને વિશેષ વ્યવસ્થા પણ કરવામાં આવી છે. સાથે જ મંદિરોમાં પણ ભગવાનની પૂજા અર્ચના માટે વિશેષ આયોજન કરવામાં આવ્યાં છે.