જે જગ્યાએ છ વર્ષ પહેલા ભાઈના પરિવારના 9 લોકો મૃત્યુ પામ્યા હતા, આજે એ જ જગ્યાએ બહેનના પરિવારના 5 લોકો મૃત્યુ પામ્યા Trishul News

રાજસ્થાન: ભારતમાં દિવસેને દિવસે અકસ્માતની સંખ્યા વધી રહી છે. તેમાં લાખો લોકો પોતાનો જીવ ગુમાવી રહ્યા છે તેવામાં ફરી એક વાર ઝારખંડમાં ગંભીર અકસ્માત સર્જાયો છે. નાગૌરના ખિનવસર વિસ્તારમાં NH-62 પર એક ટ્રક કાર પર પડતા એક મહિલા સહિત તેના પરિવારના પાંચ સભ્યોના મોત થયા હતા.

આ અકસ્માત જે સ્થળે થયો હતો, ત્યાં સાડા છ વર્ષ પહેલા મહિલાના ભાઈના પરિવારના 9 લોકોએ જીવ પણ ગુમાવ્યો હતો. બીકાનેરના ભંગાર વેપારી સૈયદ મોહમ્મદ ઝફર અલીના પરિવારના સભ્યો જોધપુર કોઈ સંબંધીના મૃત્યુ બાદ શોક સભામાં ભાગ લેવા માટે ગયા હતા. શનિવારે દરેક ત્યાંથી એર્ટિગા કારમાં બિકાનેર જવા નીકળ્યા હતા.

સાડા છ વર્ષ પહેલા જાન્યુઆરી 2015 માં આ જ જગ્યા નાગૌરના રહેવાસી હાફિઝ કયૂમ ગૌરીના પરિવાર સાથે એક અકસ્માત થયો હતો. તે અકસ્માતમાં એક જ પરિવારના 9 લોકો માર્યા ગયા હતા, જેમાં હાફિઝ કયૂમ ગૌરીનો પુત્ર જાવેદ ગૌરી એકમાત્ર બચી ગયો હતો. કયૂમ ગૌરી ઝફર અલીની પત્ની અમતુલાલાનો ભાઈ હતો. શનિવારે રાત્રે થયેલા અકસ્માતમાં અમતુલાલા, તેમની પુત્રવધૂ, બે પૌત્રીઓ અને ભત્રીજાનું મોત થયું હતું.