ગુજરાતમાં સર્જાયો સાવધાન ઇન્ડિયા જેવો કિસ્સો: જંગલમાં પ્રેમી પંખીડાના મળ્યા કંકાલ અને બાજુમાં હતું…

આજકાલ એવા ઘણા કિસ્સા બને છે જે દરેકને ચોકાવનારા હોય છે. આ દરમિયાન અમીરગઢના સોનવાડી નજીક આવેલ જંગલમાં બે કંકાલ મળી આવતા હોબાળો મચી જવા પામ્યો છે. ત્યાના સ્થાનિક લોકો દ્વારા આ અંગે પોલીસને જાણ કરવામાં આવતા અમીરગઢ પોલીસ તાત્કાલિક ઘટના સ્થળે પહોચી હતી. ત્યારબાદ પોલીસ દ્વારા તપાસ કરતા જાણવા મળ્યું હતું કે, આ કંકાલ બે પ્રેમીઓના હતા. હાલ અમીરગઢ પોલીસ દ્વારા આ મૃતકોના કંકાલને રીપોર્ટ માટે અમદાવાદ મોકલવામાં આવ્યા છે.

જાણવા મળ્યું છે કે, અમીરગઢ પાસે જંગલ વિસ્તાર મોટા પ્રમાણમાં છે. આ દરમીયાન ગુજરાત રાજસ્થાનની સરહદ પર આવેલ સોનવાડી પાસેના જંગલમાં બે કંકાલ હોવાની બાતમી પોલીસને મળી હતી. બાતમી મળતા જ પોલીસ તાત્કાલિક ઘટના સ્થળે પહોચી હતી. પોલીસ પણ આ કંકાલ જોઇને ચોકી ઉઠી હતી. આ બંને કંકાલ ઘણા દિવસોથી પડેલા હોવાથી એકદમ હાડપિંજર જેવા હતા. પોલીસ દ્વારા તપાસ કરતા બે પ્રેમી પંખીડા 20 દિવસ પહેલા ઘરેથી ભાગી ગયા હતા અને આ કંકાલ તેમના હોવાનું સામે આવ્યું હતું.

અગાઉ આ બંને પ્રેમીપંખીડા ઘરેથી ભાગી ગયા હોવાની જાણ તેમના પરિવારજનો દ્વારા અમીરગઢ પોલીસ સ્ટેશનમાં કરવામાં આવી હતી. જેથી કંકાલ એ જ પ્રેમીપંખીડાના હોવાની પોલીસને શંક ગઈ હતી. ત્યારબાદ તેમના પરિવારજનોને તાત્કાલિક જાણ કરીને ઘટના સ્થળે બોલાવવામાં આવ્યા હતા. જાણવા મળ્યું છે કે, આ બંને કંકાલ પાસે એક પર્સ પણ પડેલું હતું. આ પર્સમાં બંનેની તસ્વીરો પણ હતી. ત્યારબાદ કંકાલ પર રહેલા કપડા પરથી તેમની ઓળખ કરવામાં આવતા બંને કંકાલ ભાગી ગયેલા યુવક યુવતીના હોવાનો ખુલાસો થયો હતો.