November 18, 2024
ઉત્તર પ્રદેશ (Uttar Pradesh)ના મેરઠ (Meerut)માં એક ચોંકાવનારો કિસ્સો સામે આવ્યો છે. રસ્તા પર ચાલતી વખતે યુવકને છીંક આવતા તેનું મોત નીપજ્યું હતું. તેનો વીડિયો સોશિયલ મીડિયા(Social media) પર ઝડપથી વાયરલ(Viral video) થઈ રહ્યો છે. વીડિયોમાં જોવા મળી રહ્યું છે કે પહેલા યુવકે તેની છાતી પર હાથ મૂક્યો અને પછી જ્યારે તેને છીંક આવી ત્યારે તેણે મોં પર હાથ મૂક્યો.
આ પછી તેણે તેનું ગળું પકડી લીધું અને થોડીવાર ચાલ્યા પછી તે જમીન પર પડી ગયો. તે પછી તે ફરી ઉઠ્યો નહીં. જણાવવામાં આવી રહ્યું છે કે યુવકને અચાનક હાર્ટ એટેક આવ્યો અને 2 સેકન્ડમાં જ તેનું મોત થઈ ગયું. યુવક સાથે ચાલતા મિત્રો પણ સમજી શક્યા ન હતા કે મામલો શું છે? માર્ગમાં એક મકાનમાં લાગેલા સીસીટીવીમાં મોતની સમગ્ર ઘટના કેદ થઈ ગઈ હતી.
Trending News
વીડિયોમાં જોઈ શકાય છે કે એક શેરી છે. રાતનો સમય છે અને 4 મિત્રો સાથે ફરવા જઈ રહ્યા છે. ચારેય મિત્રો વાત કરતા જોવા મળે છે. મિત્રો એકબીજાના ગળામાં હાથ નાખીને ચાલે છે. ત્યારે અચાનક એક મિત્રને છીંક આવે છે. છીંક આવ્યા પછી, યુવકને તેના ગળામાં થોડી જકડતા અનુભવાય છે, તેણે તેનું ગળું પકડી રાખ્યું છે. બે ડગલાં ભરતાં જ તે જમીન પર પડી જાય છે. તેની સાથે ચાલતા ત્રણેય મિત્રો સમજી ન શક્યા કે શું થયું?
આ પછી ત્રણેય મિત્રો બૂમો પાડે છે. તેની ચીસો સાંભળીને આસપાસના લોકો પણ ઘરની બહાર આવી ગયા હતા. આ પછી ત્રણેય છોકરાઓએ મળીને યુવકને પોતાના હાથમાં લઈને ઘરની અંદર લઈ ગયા. ત્રણેય યુવકો તેમના મિત્રને ખોળામાં ઉઠાવે છે અને તરત જ બાઇક દ્વારા હોસ્પિટલ લઇ જાય છે. યુવકને ડોક્ટર પાસે લઈ જવામાં આવ્યો ત્યારે ત્યાં ડોક્ટરે તેને મૃત જાહેર કર્યો હતો. કહેવાય છે કે આ ઘટના કિદવાઈ નગર શેરી નંબર 3ની છે. આ વીડિયો 2 ડિસેમ્બરે રાત્રે 10 થી 10:30 વચ્ચેનો જણાવવામાં આવી રહ્યો છે.
સીઓ કોતવાલી અમિત રાયનું કહેવું છે કે જ્યારે વીડિયોની તપાસ કરવામાં આવી તો જાણવા મળ્યું કે આ વીડિયો 2 દિવસ પહેલાનો છે. છોકરો છેલ્લા કેટલાક સમયથી બીમાર હતો, જેના કારણે તેનું મૃત્યુ થયું હોવાનું જણાય છે. યુવકનું નામ ઝુબેર જણાવવામાં આવી રહ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.