May 22, 2024
Online Money Doubling Scam: અત્યાર સુધી મોટા શહેરોના યુવાનો સોશિયલ મીડિયા પર ગેમ ટાસ્ક અથવા ઓનલાઈન છેતરપિંડીનો શિકાર બનતા હતા. હવે સોશિયલ મીડિયા પર ટાસ્ક ગ્રૂપોએ ગ્રામીણ વિસ્તારોમાં પણ પોતાના પગ ફેલાવ્યા છે. યુવાનો પાસેથી લાખોની છેતરપિંડી કરવામાં આવી રહી છે. તાજેતરનો આવીજ એક ઘટના ઈન્દોર નજીક આવેલા ગ્રામીણ વિસ્તાર ગૌતમપુરા માંથી સામે આવી છે. અહીં આવા જ ટોળાની જાળમાં આવી જતાં એક યુવકે પોતાનો જીવ ગુમાવ્યો હતો.
ગુડ બજારના એક મધ્યમવર્ગીય પરિવારનો 22 વર્ષનો પુત્ર યશ નામદેવ 4 દિવસ પહેલા 11 જૂને ટેલિગ્રામના ટાસ્ક ગ્રુપ 13cમાં જોડાયો હતો. તે ગ્રૂપમાં પૈસા ડબલ કરવાની સ્કીમથી પ્રભાવિત થયો અને ગ્રુપના સભ્યને પૈસા ટ્રાન્સફર કરતો રહ્યો. શરૂઆતના લોભ બાદ તે રકમ વધારતો રહ્યો. અંતે તેણે એક લાખ ત્રીસ હજાર માંગવાનું શરૂ કર્યું. તેને ટેલિગ્રામમાંથી ટાસ્ક મળ્યા, જે કરવામાં તે નિષ્ફળ ગયો. ત્યારબાદ જૂથે આ પૈસા આપવાનો ઇનકાર કર્યો હતો. આ પછી યુવકે ગળેફાંસો ખાઈને આપઘાત કરી લીધો હતો. યુવકે આપઘાત કરતી વખતે ફાંસીનો સંપૂર્ણ વીડિયો પણ બનાવ્યો હતો.
વીડિયો બનાવીને ફાંસી ખાધી
પ્રાથમિક માહિતી બાદ પોલીસે આ આત્મહત્યાને સામાન્ય આત્મહત્યા ગણીને તપાસ શરૂ કરી હતી. પરંતુ 13 જૂને જ્યારે પોલીસે લોક ખોલીને યશના મોબાઈલની તપાસ કરી તો એક વીડિયો મળ્યો. યશે ફાંસી લગાવતા તેનો વીડિયો બનાવ્યો હતો. તેમાં તે કહી રહ્યો છે કે, ‘હવે હું મરી જવાનો છું. મારા પૈસા રિફંડ કરો’ ત્યાર બાદ જ્યારે મોબાઈલની શોધ કરવામાં આવી તો જાણવા મળ્યું કે તે 11મી જૂને ટેલિગ્રામના ટાસ્ક 13 ગ્રુપમાં જોડાયો હતો. તેમાં કામો આપવાની સીસ્ટમ હતી.
ડબલ પૈસા કૌભાંડ
યશે 100-200 રૂપિયાથી શરૂઆત કરી અને પૈસા બમણા થવા લાગ્યા. આ શ્રેણી 5 થી 6 હજાર રૂપિયામાં ચાલતી હતી. જૂથમાં પૈસા કમાવવા માટે કાર્યો આપવામાં આવ્યા હતા. તેમાં એક લિંક આપવામાં આવશે અને ઓનલાઈન બ્રેસલેટ, વીંટી, શેમ્પૂ અથવા અન્ય કોઈપણ વસ્તુ ખરીદવા માટે ટાસ્ક આપવામાં આવશે. તે પૂર્ણ કરવા પર આપવામાં આવતી રકમની બમણી રકમ કરવામાં આવી હતી. યશે 1 લાખ 30 હજાર જેટલી મોટી રકમ મૂકતાં ગ્રુપના સભ્યે કહ્યું કે 2 લાખ મૂકશો તો પૈસા મળી જશે. ત્યારે યશને ખબર પડી કે તેની સાથે છેતરપિંડી થઈ રહી છે.
મારા પૈસા પરત કરો અને…
યશે ગ્રૂપને તેના 1 લાખ 30 હજાર રૂપિયા પરત કરવા કહ્યું અને ગ્રૂપમાંથી બહાર થઈ જવાની વિનંતી કરી. પરંતુ ગ્રુપ એડમિને કહ્યું ટાસ્ક પૂર્ણ કરો અને પૈસા લો. યશે કહ્યું કે હવે મારી પાસે પૈસા નથી. ગ્રુપના એડમિનનો જવાબ હતો કે હવે કંઈ નહીં થઈ શકે. આના પર યશે કહ્યું કે હું તમારી પોલ પોલીસને જણાવીશ અને હું આત્મહત્યા કરી રહ્યો છું. આત્મહત્યા પહેલા યશે 2 વીડિયો બનાવ્યા હતા. એક વીડિયોમાં સ્ટૂલ અને તેના પગ જોવા મળ્યા હતા અને બીજા વીડિયોમાં તેના ગળામાં દોરડું બાંધવામાં આવ્યું હતું. હવે હું મરી જવાનો છું, 2 મિનિટમાં મારા પૈસા પાછા આપો અને આ પછી યશે ગળે ફાંસી ખાય લીધી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
