November 24, 2024
સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. ત્યારે હવે દેહમાં કોરોનાની ત્રીજી લહેરે પગપેસારો કરી દીધો હોય તેવું લાગી રહ્યું છે. કોવિડ -19 ના કેસો ફરી ઝડપથી વધવા લાગ્યા છે. છેલ્લા 24 કલાકમાં ભારતમાં કોરોનાના 46 હજારથી વધુ નવા કેસ નોંધાયા છે.
કેન્દ્રીય આરોગ્ય મંત્રાલયના ડેટા અનુસાર, છેલ્લા 24 કલાકમાં દેશમાં 46,759 કોરોના કેસ નોંધાયા છે અને 509 લોકોના મોત થયા છે. ભારતમાં હાલમાં કોરોનાના 3,59,775 સક્રિય કેસ છે. સક્રિય કેસોની સંખ્યા કુલ કોરોના કેસોના 1.10 ટકા છે. શુક્રવારે પણ ભારતમાં કોરોનાના 44,658 નવા કેસ નોંધાયા હતા.
તમને જણાવી દઈએ કે, છેલ્લા 24 કલાકમાં 31,374 કોરોના સંક્રમિત લોકો સાજા થયા છે. દેશમાં કોવિડ -19 થી રિકવરી રેટ હાલમાં 97.56 ટકા છે. તે જ સમયે, સાપ્તાહિક હકારાત્મકતા દર 2.19 ટકા છે, જે છેલ્લા 64 દિવસથી 3 ટકાથી ઓછો રહ્યો છે. તે જ સમયે, દૈનિક હકારાત્મકતા દર 2.66 ટકા સુધી પહોંચી ગયો છે. દેશમાં અત્યાર સુધીમાં 51.68 કરોડ કોરોના ટેસ્ટ કરવામાં આવ્યા છે. નોંધપાત્ર રીતે, કોરોનાનો સૌથી વધુ કોહરામ દક્ષિણ ભારતના રાજ્ય કેરળમાં છે. છેલ્લા 24 કલાકમાં અહીં કોરોનાના 32 હજારથી વધુ નવા કેસ મળી આવ્યા છે.
Trending News
તમને જણાવી દઈએ કે છેલ્લા 24 કલાકમાં ભારતમાં રેકોર્ડ રસીકરણ કરવામાં આવ્યું હતું. શુક્રવારે 1 કરોડ 3 લાખ 35 હજાર 290 લોકોને રસીની માત્રા આપવામાં આવી હતી. અત્યાર સુધીમાં દેશમાં 62 કરોડ 29 લાખ 89 હજાર 134 લોકોને રસી આપવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.