November 23, 2024
Pushpa 2 Movie: ફિલ્મ પુષ્પા નો આવનારો ભાગ ટૂંક સમયમાં રિલીઝ થવાનો છે. જોકે ફિલ્મના રિલીઝ પહેલા તે વિવાદમાં સપડાતી દેખાઈ રહી છે. હરિયાણાના (Pushpa 2 Movie) વિશાળ જિલ્લામાં એક વ્યક્તિએ ફિલ્મની અંદર કેટલાક સીન ને લઈને આપત્તિ દર્શાવી છે અને તેને લઈને પોલીસ સ્ટેશનમાં ફરિયાદ પણ નોંધાવી છે.
હિસાર જિલ્લાના ઝુગલાના ગામના કુલદીપ કુમારે પોલીસમાં આપેલી લેખિત ફરિયાદમાં ધાર્મિક ભાવનાઓ ને ઠેસ પહોંચાડવાની વાત લખી છે. જણાવી દઈએ કે 17 નવેમ્બર ના રોજ પુષ્પા ટુ નું ટ્રેલર લોન્ચ કરવામાં આવ્યું. ટ્રેલર બિહારના પટનામાં લોન્ચ કરવામાં આવ્યું. આ દરમિયાન ફિલ્મ અભિનેત્રી રશ્મિકા મંધાના પણ હાજર હતી.
પુષ્પા ના કયા સીનને લઈને થયો વિવાદ
પાંચ ડિસેમ્બરના રોજ રિલીઝ થનારી પુષ્પા ટુ નું હાલમાં જ જે ટ્રેલર લોન્ચ થયું છે તેમાં એક સીન દેખાડવામાં આવ્યો છે. માં કાળીને લઈને આ સીનમાં વર્ણન છે, જેને લઈને હિસારમાં તેનો વિરોધ શરૂ થયો છે. એક્ટર અલ્લુ અર્જુન અર્ધનારેશ્વર ના અવતારમાં જોવા મળ્યો છે.
Trending News
પોલીસ પાસે કાયદાકીય કાર્યવાહી કરવાની માંગ
ફરિયાદી એ કહ્યું કે જો ફિલ્મમાંથી આ સીન હટાવવામાં નહીં આવે તો અમે આ ફિલ્મને હિસાર માં રિલીઝ નહીં થવા દઈએ. સાથે જ તેણે પોલીસ પ્રશાસન પાસેથી ફિલ્મ ડાયરેક્ટર અને કલાકારો વિરુદ્ધ કાયદાકીય કાર્યવાહી કરવાની માંગણી કરી છે.
ફરિયાદ કરતા એ કહ્યું છે કે ફિલ્મ એક્ટર અલ્લુ અર્જુન હિન્દુ દેવી માતા કાળીના અવતારમાં દેખાઈ રહ્યા છે. તેનાથી અમારી આસ્થાને ઠેસ પહોંચી છે. હું ફિલ્મની સાથે સાથે તમામ કલાકારોનું સન્માન કરું છું. પરંતુ કેટલાક એવા પણ કલાકાર છે જે પૈસા માટે ધર્મની આસ્થાઓને નુકસાન પહોંચાડવાનું કામ કરે છે. જો ફિલ્મમાંથી આ સીન હટાવવામાં નહીં આવે તો તે ફિલ્મને રિલીઝ નહીં થવા દે. તેમણે ફરિયાદમાં અલ્લુ અર્જુનના ઘરનું સરનામું અને ઇ-મેલ આઇડી પણ આપ્યું છે. તેણે પોલીસ પાસે કાયદાકીય કાર્યવાહી કરવાની માંગણી કરી છે.
ફિલ્મ 5 ડિસેમ્બરના રોજ રિલીઝ થશે
તમને જણાવી દઈએ કે ઓડિયન્સને અલ્લુ અર્જુન ની ફિલ્મ પુષ્પા 2 ની આતુરતાથી રાહ જોઈ રહ્યા છે. આ ફિલ્મ બોક્સ ઓફિસ પર છવાયેલું રહ્યું છે. ફિલ્મ પાંચ ડિસેમ્બરના રોજ રિલીઝ થશે. જેમ જેમ રિલીઝ ડેટ નજીક આવી રહી છે તેમ તેમ તેની મુશ્કેલીમાં પણ વધારો થઈ રહ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App