સુરતીલાલાઓમાં કોરોના અંગેની જાગૃતિ લાવવા માટે રત્નકલાકારોએ શરુ કર્યો અનોખો પ્રયોગ

સમગ્ર વિશ્વમાં કોરોના મહામારીને કારણે લાખો લોકોને પોતાનો તેમજ પોતાના સ્વજનોનો જીવ ગુમાવવાનો વારો આવ્યો છે ત્યારે હાલમાં કોરોના મહામારીનો બીજો રાઉન્ડ શરુ થઈ ગયો છે. ગુજરાતમાં આવેલ સુરત, અમદાવાદ, રાજકોટ તેમજ વડોદરા શહેરમાં સતત કોરોનાના કેસોમાં વધારો થઈ રહ્યો છે.

પહેલા રાઉન્ડ દરમિયાન સુરત શહેરમાં કોરોનાના સૌથી વધારે કેસ હીરા ઉદ્યોગકામ કરતા કર્મચારીઓમાં જોવા મળ્યા હતા. જેને કારણે લોકોમાં જાગૃતિ આવે તેમજ આ વખતે સંક્રમણમાં વધારો ન થાય એની માટે સુરતના વેપારીઓ દ્વારા લોકોને જાગૃત કરવા માટે એક અનોખો પ્રયત્ન કરવામાં આવ્યો છે.

સમગ્ર સુરત શહેરમાં પ્રથમ તેમજ બીજા રાઉન્ડમાં પણ ફરી એકવખત કોરોનાથી સંક્રમિત લોકોની સંખ્યામાં સતત વધારો થઈ રહ્યો છે ત્યારે લોકો કોરોનાને લઇ જાગૃતતા આવે તેથી હીરા ઉદ્યોગમાં કામ કરતા સુરતમાં આવેલ વરાછા તથા મહિધરપુરા હીરા બજારમાં હીરાનાં વેપારીઓ દ્વારા લોકોને જાગૃત કરવા માટે એક અનોખો પ્રયત્ન કરવામાં આવ્યો છે.