કેન્સરથી લઈને ડાયાબિટીસના દર્દીઓ માટે ઝેર સમાન છે 'પાલક' -જાણો તેનાથી થતા અનેક ગેરફાયદા વિશે

પાલક (spinach)ને પોષક તત્વો (Nutrients)નું પાવર હાઉસ(Power House) માનવામાં આવે છે. તેમાં ભરપુર પ્રમાણમાં પોષક તત્વો હોય છે, જેના કારણે ઘણા લોકો તેને પોતાના રોજિંદા આહારમાં સામેલ કરતા હોય છે. આ સિવાય પાલક ઓક્સિડેટીવ તણાવ (Oxidative stress)ને ઓછો કરીને હાડકાં (Bones)ને મજબૂત બનાવવામાં પણ મદદ કરે છે. પરંતુ, ઘણી વખત તમારે પાલકનું સેવન ટાળવું જોઈએ. નિષ્ણાતોના મતે, પાલકનું વધુ પડતું સેવન સ્વાસ્થ્ય(Health) માટે હાનિકારક પણ સાબિત થઈ શકે છે. આવો જાણીએ વધુ પાલક ખાવાથી શું થઈ શકે છે અને કયા લોકોએ તેનાથી બચવું જોઈએ.

મળતી માહિતી અનુસાર, પાલકમાં કેલ્શિયમનું પ્રમાણ વધુ હોય છે અને કેલ્શિયમનું વધુ પડતું સેવન હૃદય રોગ તરફ દોરી શકે છે. તેમાં મોટી માત્રામાં ફાઇબર હોય છે, જેમાંથી વધુ પડતું પેટનું ફૂલવું અને પેટમાં ખેંચાણનું કારણ બની શકે છે. તેમજ પાલકમાં હાજર બીટા કેરોટીન ધૂમ્રપાન કરનારાઓમાં કેન્સરનું જોખમ વધારી શકે છે. પાલકમાં પોટેશિયમ ભરપૂર માત્રામાં હોય છે અને વધુ પડતું પોટેશિયમ ઉલ્ટીનું કારણ બની શકે છે. પાલક વિવિધ પ્રકારના વિટામિન્સથી ભરપૂર હોય છે, જે લોહીને પાતળું કરવાની સાથે પ્રતિક્રિયા આપે છે. તેથી, જો તમે લોહી પાતળું કરવાની દવાઓ લેતા હોવ, ડાયાબિટીસ હોય અથવા કિડનીમાં પથરી હોય, તો તમારે પાલક ખાવાનું ટાળવું જોઈએ.

કિડની સ્ટોનની સમસ્યામાં આ ન ખાઓ:
કિડની સ્ટોનની સમસ્યામાં પાલકનું સેવન હાનીકારક સાબિત થઈ શકે છે. પાલક ખાવાથી શરીરમાં ઓક્સાલિક એસિડ વધુ બને છે. આવી સ્થિતિમાં, શરીર માટે તેને સિસ્ટમમાંથી બહાર કાઢવું મુશ્કેલ બની જાય છે. આ કિડનીમાં કેલ્શિયમ ઓક્સાલેટની રચના તરફ દોરી જાય છે, જે કિડનીમાં પથરી તરફ દોરી શકે છે.