અહિયાં માત્ર એક જ વિદ્યાર્થી માટે સરકારે કરોડોના ખર્ચે શરૂ કરી શાળા, કારણ છે રસપ્રદ

શિક્ષણ પ્રાપ્ત કરવું દરેક વ્યક્તિનો અધિકાર હોય છે. આ અધિકાર દરેક બાળકને મળે તે જોવાની જવાબદારી સરકારની છે. સરકાર સુનિશ્ચિત કરે છે કે દરેક બાળકને શિક્ષા માટે જરૂરી દરેક સુવિધા મળી રહી છે કે નહીં. આ વાતનું તાજેતરમાં ઉત્તમ ઉદાહરણ અમેરિકામાં જોવા મળ્યું છે. જ્યારે સરકારએ માત્ર એક બાળકને શિક્ષા મળે તે માટે એક શાળા શરૂ કરી છે.

લારામી શહેરમાં માત્ર એક બાળકના અભ્યાસ માટે શાળા શરૂ કરવામાં આવી છે. જો કે આ પહેલો કિસ્સો નથી કે આ રીતે શાળા શરૂ કરવામાં આવી હોય. 2004ના વર્ષમાં પણ આ રીતે એક બાળકના અભ્યાસ માટે શાળા શરૂ કરવામાં આવી હતી. તે સમયે જે બાળકએ ત્યાં અભ્યાસ કર્યો હતો તેનું કહેવું છે કે આ અનુભવ સાવ અનોખો છે શાળામાં તેને હેરાન કરનાર કોઈ વ્યક્તિ નથી.