IND-PAK મેચ પહેલા જ પાકિસ્તાનને મોટો ઝટકો, આ સ્ટાર ખેલાડીને માથામાં બોલ વાગતા હોસ્પિટલમાં દાખલ

ભારત અને પાકિસ્તાન (India Vs Pakistan) વચ્ચે T20 વર્લ્ડ કપ 2022 (T20 World Cup 2022) ની મેચ રવિવાર, 23 ઓક્ટોબરના રોજ રમાવાની છે. આ ધમાકેદાર મેચ પહેલા પાકિસ્તાન માટે ખરાબ સમાચાર સામે આવી રહ્યા છે. ટીમનો બેટ્સમેન શાન મસૂદ (Shan Masood) નેટ સેશનમાં ઈજાગ્રસ્ત થયા બાદ હોસ્પિટલ પહોંચ્યો છે.

A moment of extreme scare. Mohammad Nawaz is distraught and down on the ground after his shot hits Shan Masood flash at the back of his neck?

Watch this exclusive footage on @Sportskeeda. #T20WorldCup #INDvsPAK pic.twitter.com/9JrhGQ0ZSg

— Srinjoy Sanyal (@srinjoysanyal07) October 21, 2022

કહેવામાં આવી રહ્યું છે કે નેટ સેશન દરમિયાન મોહમ્મદ નવાઝનો એક બોલ શાન મસૂદના માથા પર વાગ્યો હતો, ત્યારબાદ તે થોડીવાર ત્યાં જ બેસી રહ્યો હતો. હોસ્પિટલમાં ડોક્ટરની તપાસ બાદ તે જણાવશે કે તેની ઈજા કેટલી ગંભીર છે. જો મસૂદની ઈજા ગંભીર હોવાનું જાણવા મળે છે તો તે ભારત સામેની પ્રથમ મેચ પણ ગુમાવી શકે છે.

ભારત સામેની મેચ પહેલા પાકિસ્તાને ઈંગ્લેન્ડ સામે વોર્મ-અપ મેચ રમી હતી, જેમાં ટીમને 6 વિકેટે હારનો સામનો કરવો પડ્યો હતો, પરંતુ ઓપનર તરીકે શાન મસૂદે આ મેચમાં 22 બોલમાં 7 ચોગ્ગા ફટકારીને 39 રનની ઈનિંગ રમી હતી. પાકિસ્તાનના નિયમિત ઓપનર બાબર આઝમ અને મોહમ્મદ રિઝવાન આ મેચમાં રમ્યા ન હતા. આવી સ્થિતિમાં કેપ્ટને મસૂદને પ્રેક્ટિસ કરવાની તક આપી.