વહેલી સવારે 5.7ની તીવ્રતાથી ધ્રુજી ભારતના આ વિસ્તારોની ધરા- જોરદાર આચકા અનુભવાતા ઘરની બહાર નીકળી ગયા લોકો

શનિવારે (Saturday) સવારે કાશ્મીર (Kashmir), નોઈડા અને અન્ય વિસ્તારોમાં ભૂકંપના જોરદાર આંચકા અનુભવાયા હતા. આ આચકા શનિવારે સવારે 9.49 કલાકે અનુભવાયા હોવાની માહિતી મળી છે. જણાવવામાં આવી રહ્યું છે કે આજે સવારે 9:45 વાગ્યે અફઘાનિસ્તાન-તાજિકિસ્તાન સરહદી વિસ્તારમાં રિક્ટર સ્કેલ પર 5.7ની તીવ્રતાનો ભૂકંપ આવ્યો હતો.

ભૂકંપનું કેન્દ્ર પાકિસ્તાનના ઈસ્લામાબાદથી લગભગ 189 કિમી દૂર હોવાનું જણાયું છે. આ સ્થળ પાકિસ્તાન અને અફઘાનિસ્તાનની સરહદ પર હિંદુકુશ પહાડીઓ પાસે છે. ભૂકંપના આંચકા અનુભવાતા લોકો ઘરની બહાર આવી ગયા હતા. લોકોના કહેવા પ્રમાણે, જમીન ખૂબ જ ઝડપથી હલી, જેના કારણે બધા ડરી ગયા. આ પહેલા પણ 14 જાન્યુઆરીએ જમ્મુ-કાશ્મીરમાં ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા 5.3 હતી. ભૂકંપના કારણે જાનમાલને કોઈ ખતરો હોવાના સમાચાર નથી.

ભૂકંપ આવે ત્યારે શું કરવું અને શું ન કરવું?
જ્યારે તમે ભૂકંપના આંચકા અનુભવો ત્યારે બિલકુલ ગભરાશો નહીં. સૌ પ્રથમ તો, જો તમે બિલ્ડિંગમાં હાજર છો, તો પછી ત્યાંથી તરત જ બહાર આવો અને ખુલ્લામાં આવી જાવ. બિલ્ડીંગમાંથી નીચે ઉતરતી વખતે લિફ્ટ દ્વારા બિલકુલ ન જવું. ભૂકંપ દરમિયાન આ તમારા માટે ખતરનાક બની શકે છે. તે જ સમયે, જો બિલ્ડિંગમાંથી નીચે ઉતરવું શક્ય ન હોય, તો નજીકના ટેબલ, ઊંચી પોસ્ટ અથવા પલંગની નીચે છુપાઈ જાવ.