વીર નર્મદ સાઉથ ગુજરાત યુનિવર્સિટીમાં પરીક્ષાના દિવસે જ વિદ્યાર્થીનો હોસ્ટેલમાં ફાંસો ખાઈ આપઘાત

સુરતમાં વીર નર્મદ સાઉથ ગુજરાત યુનિવર્સિટીમાં આવેલી સમરસ હોસ્ટેલમાં પરીક્ષાના દિવસે જ B.EDના સ્ટુડન્ટે ગળે ફાંસો ખાઈ આપઘાત કરી લીધો હતો. ઘટનાની જાણ થતા જ પોલીસ પણ ઘટના સ્થળે દોડી આવી હતી. જો કે હાલમાં, સ્ટુડન્ટના આપઘાતનું કારણ જાણવામાં મળી રહ્યું નથી.રૂમમાંથી એક સુસાઈડ નોટ મળી આવી છે. જેમાં લખ્યું છે કે, “જિંદગીથી હારી ગયો છું. આપઘાત માટે જાતે જવાબદાર છું.”

પરીક્ષાના પ્રથમ પેપર પહેલા યુવકનો આપઘાત

હાલમાં સુરત ખાતે નિવાસ પરંતુ મૂળ ભાવનગરનો દીપક બોરિચા(ઉ.વ.22) ઉધના મગદલ્લા રોડ પર આવેલી વીર નર્મદ સાઉથ ગુજરાત યુનિવર્સિટીની સમરસ હોસ્ટેલમાં ચોથા માળે રૂમ નંબર 405 માં રહેતો હતો અને ભગવાન મહાવીર કોલેજમાં B.EDના પ્રથમ વર્ષમાં અભ્યાસ કરતો હતો. આજે જ B.EDના પ્રથમ વર્ષની પરીક્ષાનું 10.30 વાગ્યે પહેલું પેપર હતું. જો કે, પરીક્ષા પહેલાં જ દીપકે હોસ્ટેલના રૂમમાં ગળે ફાંસો ખાઈ જીવન ટૂંકાવી લીધું હતું. ઘટનાની જાણ થતા પોલીસ પણ દોડી આવી હતી. હાલમાં, સ્ટુડન્ટના આપઘાતનું કારણ જાણવામાં મળી રહ્યું નથી