ગુજરાતમાં 3 જુને આવનારા વાવાઝોડા અંગે અંબાલાલ પટેલે આપી મહત્ત્વની અપડેટ

ગુજરાતમાં હવામાન વિભાગના નિષ્ણાંત ગણાતા અંબાલાલ પટેલ હવામાનને લઈને સતત આગાહી કરતા રહે છે. ઝ્ને તેની આગાહીઓ મોટા ભાગે સાચી સાબિત થાઈ છે. આ વખતે પણ અંબાલાલ પટેલે ગુજરાતમાં કઈ તારીખે વરસાદ થશે અને કયાંથી ચોમાસાની શરૂઆત થશે તેની આગાહી કરી હતી.

ગુજરાત પર સંભવિત વાવાઝોડાનું જે જોખમ તોળાઈ રહ્યું હતું તે હવે ટળ્યું છે. હવામાન વિભાગ અનુસાર 3 જૂનના રોજ વાવાઝોડું ગુજરાત અને મહારાષ્ટ્રના દરિયાના કિનારા સાથે ટકરાઈ શકે તેવું અનુમાન વ્યક્ત કરવામાં આવ્યુ હતું. હવે એવું અનુમાન લગાવામાં આવી રહ્યું છે કે, અરબી સમુદ્રમાં સક્રિય થઇ રહેલું વાવાઝોડું પોતાની દિશા બદલી ઓમાન તરફ ફંટાય તેવી શક્યતા છે. આમ ગુજરાત પરથી વાવાઝોડાંનું સંકટ ટળે તેવી સંભાવના જોવા મળી રહી છે. ખાનગી એજન્સી તરફથી મળેલી માહિતી અનુસાર આ વાવાઝોડું ગુજરાત અને મહારાષ્ટ્રના દરિયા કિનારે ટકરાશે નહીં પરંતુ તેની અસર ગુજરાત અને મહારાષ્ટ્ર પર જરૂરથી જોવા મળશે.

હવામાન વિભાગના નિષ્ણાંત ગણાતા અંબાલાલ પટેલે જણાવ્યું છે કે, અરબી સમુદ્રમાં સક્રિય થનાર વાવાઝોડું હવે ગુજરાતને ટકરાશે નહીં. વાવાઝોડું ગુજરત તરફ મૂવ કરીને ઓમાન તરફ ફંટાઈ જશે તેવું અનુમાન લગાવવામાં આવ્યું છે. વાવાઝોડું ઓમાન તરફ ફંટાઈ જશે પરંતુ તેની અસર ગુજરાતના દરિયા કાંઠાના વિસ્તારમાં જોવા મળશે. વાવાઝોડાની અસરના કારણે દરિયા કાંઠાના વિસ્તારોમાં વરસાદ પડી શકે છે.