November 28, 2024
ગદર 2(Gadar-2): ડાયરેક્ટર અનિલ શર્માની ફિલ્મ ‘ગદર 2’ સાથે સની દેઓલ(Sunny Deol) અને અમીષા પટેલ ફરી એકવાર પડદા પર ધમાકો કરવા તૈયાર છે. વર્ષ 2001માં રિલીઝ થયેલી આ સુપરહિટ ફિલ્મ ‘ગદર’ની સિક્વલના દર્શકો આતુરતાથી રાહ જોઈ રહ્યા છે. તાજેતરમાં, ઝી સ્ટુડિયોએ તેના સત્તાવાર સોશિયલ મીડિયા પર એક વિડીયો શેર કર્યો છે, જેમાં આ વર્ષે એટલે કે 2023 માં રિલીઝ થનારી ફિલ્મો અને સીરીજની એક ઝલક બતાવવામાં આવી છે. 50 સેકન્ડના આ નાના વીડિયોમાં ‘તારા સિંહ’ વાળું સની દેઓલનું પાત્ર પણ જોવા મળે છે.
ચાહકોને સની દેઓલનો લુક ખુબ જ પસંદ આવ્યો
આ વીડિયોમાં સનીનો લુક લોકોને વર્ષ 2001માં રિલીઝ થયેલી ગદરના ‘તારા સિંહ’ની યાદ અપાવી રહ્યો છે. આ ક્લિપમાં 66 વર્ષીય સની વ્હીલ ઉપાડતી જોવા મળે છે. તે ખૂબ જ ગુસ્સામાં છે. જેમ કે સનીએ ફિલ્મના પહેલા ભાગમાં હેન્ડપંપ ઉખાડી નાખ્યો હતો.
તે જ સ્વેગ સાથે સની ‘ગદર 2’માં પણ જોવા મળશે. હવે સનીનો લુક જોયા બાદ લોકોને ખાતરી છે કે ગદર 2 પણ ફુલ ઓન એક્શન ફિલ્મ હશે. હવે દર્શકો ‘ગદર 2’ના ટ્રેલરની રાહ જોઈ રહ્યા છે. આ વીડિયો ક્લિપ સામે આવ્યા બાદ ફેન્સે પોતાની પ્રતિક્રિયાઓ આપવાનું શરૂ કરી દીધું છે. લોકોએ પણ ફિલ્મની રિલીઝને લઈને ઉત્સાહ વ્યક્ત કર્યો છે.
Trending News
હવે #Gadar2 સોશિયલ મીડિયા પર પણ ટ્રેન્ડ કરી રહ્યું છે. સની દેઓલના લુકના વખાણ કરતા એક ફેને લખ્યું- ‘સની પાજી વાહ, શું લાગી રહ્યા છો? હું ગદર 2 માટે રાહ જોઈ શકતો નથી.’ તમને જણાવી દઈએ કે ‘ગદરઃ એક પ્રેમ કથા’ વર્ષ 2001માં રિલીઝ થઈ હતી, જેની કહાની દેશના ભાગલા પર આધારિત હતી.
આ ફિલ્મ તે વર્ષની સૌથી મોટી બ્લોક બસ્ટર હતી. ‘ગદર 2’નું શૂટિંગ હિમાચલ પ્રદેશ, લખનૌ અને ઈન્દોરમાં થયું છે. મીડિયા રિપોર્ટ્સ અનુસાર, સની દેઓલની આ ફિલ્મ સ્વતંત્રતા દિવસની આસપાસ એટલે કે ઓગસ્ટ 2023માં રિલીઝ થઈ શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.