July 02, 2024
Surat News: કહેવાય છે ને કે રામ જેને રાખે, તેને કોણ ચાખે…ત્યારે આ કહેવતને સર્તક કરતી ઘટના જ સુરતમાંથી સામે આવી છે. સુરતના પર્વત પાટિયા વિસ્તારમાં આવેલ રોયલ રેસિડેન્સીમાં એક કાર ચાલક પોતાની કાર પાર્કિંગમાંથી કાઢી રહ્યા હતા, તે દરમિયાન બંને બાળક રમતા હતા જે કારની અડફેટે આવી ગયા હતા. જે ઘટનાના હચમચાવી દેતા સીસીટીવી(Surat News) પણ સામે આવ્યા છે.જો કે આ ઘટનાના પગલે આસપાસથી લોકો દોડી આવ્યા હતા.બાળકોને હેમખેમ જોઈ રાહતનો શ્વાસ લીધો હતો.
બુમાબુમ થતા કારચાલક બહાર નીકળ્યો
મળતી માહિતી પ્રમાણે, પર્વત પાટિયા વિસ્તારમાં રોયલ રેસીડેન્સી આવેલી છે. જેમાં બે દિવસ પહેલા સોસાયટીમાં જ બે બાળકો રમી રહ્યા હતા. દરમિયાન એક યુવક પાર્ક કરેલી પોતાની કાર લઈને જવાનો પ્રયાસ કરી રહ્યો હતો. દરમિયાન કારચાલકને સોસાયટીના રસ્તા પર રમી રહેલા બે બાળકો નજરે ન ચડતા તેના પર કાર ચડાવી દીધી હતી.
બુમાબુમ થતા કારચાલક બહાર નીકળ્યો હતો.જમાં કારના આગળના ભાગેથી મોટા બાળકને કાઢવામાં સફળતા મળી હતો. તો બીજી તરફ બુમાબુમ સાંભણીને દોડી આવેલી માતાએ કાર નીચેથી નાના બાળકને બહાક કાઢ્યું હતું. આ ઘટના સીસીટીવીમાં કેદ થઈ જવા પામી છે. આ ઘટનામાં બંને બાળકોને આબાદ બચાવ થયો હતો.
ઘટનાના સીસીટીવી સામે આવ્યા
આ ઘટનાના સીસીટીવી પણ સામે આવ્યા છે. જેમાં સ્પષ્ટ દેખાઈ રહ્યું છે કે બે બાળકો રમી રહ્યા છે તે દરમિયાન કાર નીચે આવી જાય છે. જે બાદ કાર ચાલક કારમાંથી ઉતરીને બન્ને બાળકોને કારની નીચેથી હેમખેમ બહાર કાઢે છે. જો કે આ ઘટનામાં રાહતની વાત તો એ છે કે બાળકો સુરક્ષિત છે તેમજ તેમને કોઈ ઇજા થઇ નથી.ત્યારે આ ઘટનાના પગલે આજુબાજુના ઘરમાંથી લોકો દોડી આવ્યા હતા અને બાળકને સહીસલામત જોતા જ લોકોએ રાહતનો શ્વાસ લીધો હતો.
Trending News
માતાપિતા માટે લાલબત્તી સમાન કિસ્સો
વાલીઓ પોતાના બાળકોને રેઢા મુકી દેતા બાળકો દુર્ઘટનાનો ભોગ બન્યાના અનેક કિસ્સા સામે આવ્યા છે. ગતરોજ (28 જૂન) નવસારીના બીલીમોરામાં છ વર્ષની બાળકી ગટરમાં પડી ગઈ હતી અને ગરકાવ થઈ ગઈ હતી. પરિવારે શોધખોળ દરમિયાન નજીકમાં લાગેલા સીસીટીવી ચેક કરતા બાળકી તંત્રએ ખુલ્લી રાખેલી ગટરમાં પડી હોવાનું સામે આવ્યું હતું. 20 કલાકથી વધુની શોધખોળ બાદ આખરે માસુમનો મૃતદેહ હાથે લાગ્યો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App