November 05, 2024
Theft of an auto rickshaw: રાજ્યના જુદા જુદા શહેરોમાંથી ઓટોરિક્ષાની ચોરી કરી તરખાટ મચાવનાર રીઢા આરોપીની સુરત ક્રાઈમ બ્રાન્ચે રાંદેરના કોઝવે રોડ પરથી ધરપકડ( Theft of an auto rickshaw ) કરી છે.આ સાથે જ ઓટોરિક્ષા ચોરીના પાંચ ગુનાઓના ભેદ ઉકેલી કાઢવામાં સફળતા મેળવી છે. મહત્વની વાત એ છે કે આરોપી જે શહેરમાંથી ઓટો રીક્ષા ની ચોરી કરતો હતો તે ઓટો રીક્ષામાં પેસેન્જરોને બેસાડી રોકડી કરી લેતો હતો. ત્યારબાદ આ ઓટો રીક્ષા અન્ય શહેરમાં જઈ બિનવારસી હાલતમાં મૂકી ફરાર થઈ જતો હતો.જ્યાં વધુ ગુના ઉકેલાવાની શક્યતા ના પગલે ક્રાઈમ બ્રાન્ચે વધુ તપાસ હાથ ધરી છે.
અલગ અલગ શહેરમાંથી કરી હતી રિક્ષાની ચોરી કરી
સુરતમાં બનતા ગુનાઓને ડામવા અને ગંભીર પ્રકારના ગુનાઓમાં સંડોવાયેલા આરોપીઓને ઝડપી પાડવા પેટ્રોલિંગમાં રહેલી સુરત ક્રાઈમ બ્રાન્ચની ટીમે રાંદેરના કોઝવે રોડ પરથી રાજ્યના જુદા જુદા શહેરોમાં ઓટો રીક્ષા ની ચોરી કરી તરખાટ મચાવનારા રીઢા આરોપીને ઝડપી પાડ્યો છે. આરોપી પાસેથી મળી આવેલી ઓટોરિક્ષા અંગે પૂછપરછ કરતા ઓટોરિક્ષા ચોરીની હોવાની કબુલાત કરી હતી. એટલું જ નહીં પરંતુ ઊંડાણપૂર્વક ની પૂછપરછ માં આરોપી પાસેથી અન્ય ચોરીની ત્રણ ઓટો રીક્ષા પણ કબજે કરવામાં આવી હતી.
જે તમામ ઓટોરિક્ષા સુરતના ચોક બજાર સહિત વડોદરા અને અમદાવાદ ખાતેથી ચોરી કર્યા હોવાની કબૂલાત કરી હતી. આરોપીની પૂછપરછ માં વડોદરા શહેર ખાતેથી ચોરી કરેલી ત્રણ ઓટોરિક્ષા સુરતમાં બિનવારસી હાલતમાં મૂકી આરોપી ફરાર થઈ ગયો હતો. જ્યારે વડોદરા શાહીબાગ પોલીસ સ્ટેશન હદ વિસ્તારમાંથી ચોરી કરેલી ઓટોરિક્ષા વડોદરાના સયાજીગજ પોલીસ સ્ટેશન હદ વિસ્તારમાં બિનવારસી હાલતમાં છોડી નાસી છૂટ્યો હોવાની હકીકત તેણે પોલીસને જણાવી હતી. જેથી ચોક બજારનો 1,વડોદરા ના 3 અને અમદાવાદ શાહીબાગ પોલીસ સ્ટેશનમાં નોંધાયેલા ઓટોરિક્ષા ચોરીના એક ગુના નો ભેદ ઉકેલાઈ ગયો હતો.
Trending News
રોકડી કરી લાવારિસ હાલતમાં ઓટોરીક્ષા છોડી ફરાર થઇ જતો
પોલીસ પૂછપરછવા આરોપીએ જણાવ્યું હતું કે પોતે 17 વર્ષની ઉંમરે જ ઘર છોડી બચતની ઓટો રીક્ષા ચલાવતો હતો.પરંતુ બચતની ઓટો રીક્ષાથી માલિકને રૂપિયા આપવામાં ઘણી મુશ્કેલી પડતી હતી. જેથી જે શહેરમાંથી ઓટો રીક્ષા ની ચોરી કરતો હતો તે ઓટો રીક્ષા ફરાવી રોકડી કરતો હતો. ત્યારબાદ આ ઓટોરિક્ષા અન્ય શહેરમાં બિનવારસી હાલતમાં મૂકી ફરાર થઈ જતો હતો. આગળ વધુમાં જણાવ્યું હતું કે વર્ષ 2017માં પ્રથમ વખત રાંદેર પોલીસ મથકની હદમાંથી ઓટોરિક્ષાની ચોરી કરી હતી.
જે બાદ હમણાં સુધી અમદાવાદ ,વડોદરા, દાહોદ, મહેસાણા ,ગાંધીનગર, અંકલેશ્વર, ભરૂચ ખાતેથી કુલ 20 થી વધુ ઓટો રીક્ષા ચોરીના ગુનામાં અગાઉ પોલીસના હાથે ઝડપાઈ ચુક્યો છે. હાલ તો સુરત ક્રાઈમ બ્રાન્ચે આરોપી પાસેથી રૂપિયા 4.15 લાખની કિંમતની ચોરીની ચાર ઓટો રીક્ષા કબજે કરી વધુ તપાસ હાથ ધરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube