October 05, 2024
Surat News: સુરત શહેરમાં ચાર દિવસ મેઘરાજાએ ધબધબાટી બોલાવી હતી. અનેક વિસ્તારોમાં પાણી ભરાઈ ગયા હોવાના દ્રશ્યો સર્જાયા હતાં ,તો બીજી તરફ શહેરના દરેક ઝોન વિસ્તારોમાં વૃક્ષો ઘરાશાયી થયા હોવાના કુલ 60 જેટલા બનાવો બન્યા હતાં.ત્યારે આજે ફરી એકવાર એક ઝાડ એક કાર પર પડતા બે કારનો(Surat News) કચ્ચરઘાણ નીકળી ગયો હતો.સાથે જ ત્યાં રહેલ બાઇકનો કળસુલો વળી ગયો હતો.
કારનો કચ્ચરઘાણ નીકળ્યો
વરાછાના સીમાડા નાકા જેવા વ્યસ્ત વિસ્તારમાં એક એરીયામાં એક ઘટાદાર વૃક્ષ ઘરાશાયી થતાં પાર્ક કરેલી બે કારનો કચ્ચરઘાણ બોલી ગયો હતો આ ઘટનામાં અનેક બાઇકનો પણ કળસુલો વળી ગયો હતો. જો કે આ ઘટનામાં કોઇ ઇજા કે જાનહાની થઇ નથી પરંતુ કારને ભારે નુકશાન થયુ હતુ તેમજ એક તરફ નો રસ્તો બંધ ગયો હતો. ફાયરની ટીમે ઝાડ કાપી રસ્તો ચાલું કરવા કવાયત હાથ ધરી હતી.
અગાઉ પણ 60 વૃક્ષઓ પડી ગયા હતા
હજુ તો વરસાદની શરુઆત થઇ છે, ત્યારે છેલ્લા ત્રણ દિવસોથી શહેરમાં સતત મુશળઘાર વરસાદ વરસી રહ્યો છે. તેજ પવન ફુકાવાની સાથે વરસેલા વરસાદ કારણે આજે સુરતના અલગ-અલગ ઝોનમાં વૃક્ષ પડવાની ઘટનાઓ સામે આવી હતી. રવિવારની રાતથી સોવમાર સાંજ સુઘી શહેરના અઠવા, રાંદેર, લીંબાયત, ઉઘના, વરાછા એ-વરાછા-બી ઝોન કતારગામ અને લીબાયત ઝોનમાં કુલ 60 વૃક્ષો પડી ગયાં હતાં.
Trending News
ફાયર વિભાગની ટીમે અલગ-અલગ વિસ્તારોમાં જઈને રસ્તા ઉપરથી વૃક્ષો કટીંગ કરી તેને હટાવી લેવાને કામમા વયસ્ત રહ્યા હતા. બીજી તરફ શહેરમાં વરસાદને લઈને કેટલાય વિસ્તારોમાં પાણી ભરાઈ જવાના દ્રશ્યો સામે આવ્યા હતા. આજે બપોરના સમયે અઠવા લાઈન્સ વિસતારની કોર્ટ બિલ્ડીંગની સામે એક ઘટાદાર વૃક્ષ ઘરાશાયી થઈ ગયુ હતુ. આ ઘટનામાં આ વિસ્તાર લોકોની અવર-જવરથી વ્યસ્ત રહેતો હોવાથી ટ્રાફીક જામ થઈ જતાં વહાન ચાલકોએ ભારે હાલાકી વેઠવી પડી હતી.
ફાયરની ટીમએ ઝાડને હટાવી રસ્તો ખુલ્લો મુક્યો
ઘટનામાં બે કાર ઝાડની નીચે દબાઈ ગઈ જતાં તેનો ખુરદો બોલી ગયો હતો. ઘટનાની જાણ થતાં જ ફાયર બ્રિગેડની ટીમ સ્થળ ઉપર પહોચીને ગણતરીની મિનીટોમાં જ ઝાડને કટીંગ કરી દબાયેલી કારને તેની નીચેથી હટાવી લીઘી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App