સુરતમાં હીટ એન્ડ રન: અજાણ્યા કાર ચાલકે એકટીવા લઈને જઈ રહેલા યુવાનને ઉડાવતા મોત

સુરતના પુણા વિસ્તારમાં હિટ એન્ડ રન ની ઘટના બની હતી. લેન્ડમાર્કેની સામે કડોદરાથી સુરત જવાના રોડ ઉપર જાહેરમા પૂર ઝડપે આવેલા કાર ચાલકે એક્ટિવા ચાલક ને ઉડાવી ફરાર થયો હતો. આ ઘટના ૨૮ જુન ના રોજ બની હતી. આ અકસ્માતમાં મૃતકને માથામાં તથા જમણી બાજુની પાસળીના ભાગે તથા જમણા પગના ઘુટણના ભાગે તથા પંજાના ભાગેતથા નાકના ભાગે ગંભીર ઇજાઓ થઇ હતી.

આ અક્સમાત બાદ તેઓને સારવાર અર્થે સ્મીમેર હોસ્પિટલ અને બાદમાં આશુતોષ હોસ્પીટલમાં લઇ જવામાં આવ્યા હતા. પરંતુ તારીખ ૬ જુલાઈ ના રોજ તેમનું હોસ્પીટલમાં અવસાન થયું હતું, જેને લઈને રાજેશ મહારાજ્વાલાની પત્ની કાશ્મીરા બેન એ પુણા પોલીસ સ્ટેશનમાં અજાણ્યા શક્શ વિરુદ્ધ ફરિયાદ આપી હતી.

પુણા પોલીસ દ્વારા હવે અજાણ્યા કાર ચાલક વિરુદ્ધ IPC ની કલમ ૨૭૯, ૩૦૪(અ‌) તથા M.V.ACT કલમ ૧૭૭,૧૮૪,૧૩૪ મુજબ ગુનો નોંધી વધુ તપાસ હાથ ધરી છે.