બ્લેક ફિલ્મ લગાવેલી કાર લઈને જતી મહિલાને દંડ ન ભરવો પડે એટલે કરી પોલીસ સાથે મારામારી- જુઓ વિડીયો

હાલમાં સુરતનો એક વીડિયો સામે આવ્યો છે. જેમાં કેવી રીતે એક મહિલા ટ્રાફિકનો નિયમ(Motor Vehicle Act 2019) ભંગ કરવા પર દંડ ભરવાની રકમથી બચવા માટે પોલીસ સાથે ઝપાઝપી કરી રહી છે તે સ્પષ્ટ જોઈ શકાય છે. આ મહિલા જાહેરમાં પોલીસ કર્મચારીને ગાળો પણ ભાંડતી જોવા મળી છે.

વિડીયો માં દેખાય છે તે ઘટના સુરતમાં બની હતી. આજે ટ્રાફિક પોલીસે એક મહિલાને રોકી હતી, કારણ કે તેની કાર પર બ્લેક ફિલ્મ લાગી હતી. ટ્રાફિકના નિયમોનો ભંગ થતો હોવાથી ટ્રાફિક પોલીસે મહિલાને દંડ ભરવાનું કહ્યું હતું. જેથી દંડની રકમ ભરવાથી બચવા માટે મહિલાએ જાહેરમાં નોટંકી શરૂ કરી હતી. એટલું જ નહિ, આ મહિલાએ જાહેરમાં પોલીસ સાથે મારામારી કરી હતી. તેણે પોલીસ કર્મીને ગાળો પણ આપી હતી.

મહિલાએ દંડ ભરવાથી બચવા માટે રોડ પર ભારે નોટંકી કરી હતી. તેમજ પોતે પીડિત છે તેવુ બતાવવા માંગતી હતી. પહેલા તો પોલીસ કર્મચારી સાથે બબાલ અને મારામારી કર્યા બાદ મહિલા બેભાન થઈને ઢળી પડી હતી. ત્યારે આ મામલે સલાબતપુરા પોલીસ મથકમાં ફરિયાદ નોંધાઈ છે.