સિંધુ બોર્ડર પર હાથ-પગ કાપીને યુવકની હત્યા કરનારા વ્યક્તિનું સરેન્ડર, કહી દીધી એવી વાત કે…

હરિયાણા-દિલ્હી બોર્ડર(Haryana-Delhi border) પર સિંઘુ બોર્ડર(Singhu Border)ના ખેડૂતોના વિરોધ સ્થળ પર એક વ્યક્તિની નિર્દયતાથી હત્યા કરવાના આરોપમાં નિહાંગની ટીમના સભ્યએ સરેન્ડર(Surrender) કર્યું છે. બાદમાં પોલીસે તેની ધરપકડ કરી હતી. ઉલ્લેખનીય છે કે, શુક્રવારે સવારે વિરોધ સ્થળ પર એક વ્યક્તિનો મૃતદેહ મળી આવ્યો હતો, જેના કાંડા અને પગને નિર્દયતાથી કાપી નાખવામાં આવ્યા હતા.

આ ઘટના અંગે હરિયાણાના મુખ્યમંત્રી મનોહર લાલ ખટ્ટરે કહ્યું હતું કે આ મામલે કાર્યવાહી કરવામાં આવશે. રાજ્યના ગૃહમંત્રી અનિલ વિજ સાથે ચંડીગઢમાં તેમના નિવાસસ્થાને બેઠક બાદ તેમણે આ વાત કરી હતી. સૂત્રોના જણાવ્યા અનુસાર, આ કેસમાં બે શકમંદોના નામ સામે આવ્યા છે. એક બાબા અમનદીપ સિંહ અને બાબા નારાયણ સિંહ. એકે લખબિર સિંહનો હાથ કાપી નાખ્યો હતો જ્યારે બીજાનો પગ કાપી નાંખ્યો હતો.

આરોપીએ કહ્યું મને કોઈ પછતાવો થતો નથી:
સિંઘુ બોર્ડર પર ચોંકાવનારી ઘટનામાં થયેલી હત્યા મામલે હરિયાણા પોલીસ એકશનમાં આવી છે અને એક વ્યક્તિની ધરપકડ કરી છે. હવે આ મામલામાં આરોપીએ જણાવતા કહ્યું છે કે, તેમને પોતાના કર્યા પર કોઈ પછતાવો નથી. હત્યા કર્યાના થોડાક જ કલાક બાદ નિહંગોના બ્લૂ વસ્ત્રો પહેરી એક વ્યક્તિ મીડિયા સામે આવ્યો હતો અને જેણે દાવો કર્યો છે કે, તેણે શીખ પવિત્ર ગ્રંથ ગુરુ ગ્રંથ સાહિબને અપવિત્ર કરવા માટે પીડિતોને સજા આપી હતી અને તેને મારી નાંખવામાં આવ્યો હતો. સંયુક્ત કિસાન મર્ચાએ આ મામલામાં તપાસ કરવાની ઉગ્ર માંગ ઉઠાવી છે.

#WATCH | Haryana Police detains one person in connection with the Singhu border incident.

A body was found hanging with hands, legs chopped at the spot where farmers’ protest is underway (Kundli, Sonipat). FIR has been lodged. pic.twitter.com/gxfXTJ4kIu

— ANI (@ANI) October 15, 2021