SVPના નર્સિંગ સ્ટાફે બે દિવસ માટે હડતાલ સંકેલી- કહ્યું અમારી માંગો સ્વીકારવામાં આવી છે

પગાર માં મુકવામાં આવેલ કાપને લઈને એસવીપીના નર્સિંગ સ્ટાફને હડતાલ ચાલુ કરી હતી. હવે આ હડતાલ સંકેલી લેવામાં આવી છે. તેમાંના એક નર્સિંગ સ્ટાફ નરેશનું કહેવું છે કે અમારી તમામ માંગોને સ્વીકાર કરી લેવામાં આવી છે. જોકે હડતાલ ફક્ત ૨ દિવસ માટે બંધ કરવામાં આવી છે. જો અમારી માંગો પૂર્ણ કરવામાં નહીં આવે તો બે દિવસ બાદ ફરીથી હડતાલ શરૂ કરવામાં આવશે.

કોરોના સમયમાં અમદાવાદના SVP હોસ્પિટલના નર્સિંગના કર્મચારીઓ નારાજ જોવા મળી રહ્યાં છે. આગોતરી જાણ કરવા ને બદલે એકાએક પગાર કાપી લેવાતા નર્સિંગના 75 જેટલા કર્મચારીઓ SVP કેમ્પસમાં ભેગા થયા છે. નર્સિંગના કર્મચારીઓને પગાર ઘટાડવામાં આવશે તેવી કોન્ટ્રાકટ રાખતી કંપની દ્વારા જાણ કરવામાં આવતા નારાજગી વ્યક્ત કરવામાં આવી છે.

अहमदाबाद: सैलरी में की गई कटौती को लेकर SVP के नर्सिंग स्टाफ ने हड़ताल की। नरेश धाकड़ नर्सिंग स्टाफ- हमारी सभी मांगों को मान लिया गया है। अभी हड़ताल दो दिन के लिए बंद कर दी गई है। अगर मांगें पूरी नहीं होती हैं तो दो दिन बाद हड़ताल फिर से शुरू की जाएगी। pic.twitter.com/D41gya0ve1

— ANI_HindiNews (@AHindinews) June 8, 2020

આમ તો સરકાર દ્વારા એવી જાહેરાતો કરવામાં આવી રહી છે કે આવા વોરિયર્સ ને એક્સ્ટ્રા પગાર આપવામાં આવશે પરંતુ તેનાથી વિપરીત આ તો પગારમાંથી જ પૈસા કાપી લેવા માં આવશે. ઇમેઇલ મા જણાવાયું છે કે PPE તથા માસ્કનો તમારા પર ખર્ચો થયો હોવા થી પગાર કપાશે.