તાલિબાનીઓએ અફઘાનિસ્તાનમાં રહેલા હિંદુઓ અને શીખોને લઈને આપ્યું ચોંકાવનારૂ નિવેદન- જાણો શું કહ્યું

અફઘાનિસ્તાનમાં તાલિબાનના ઘુસી ગયા બાદથી લઘુમતીઓ તેમની સુરક્ષાને લઈને ખૂબ જ ચિંતિત છે. હિન્દુઓ અને શીખો, દરેક આ સમયે ડરી ગયા છે અને તાલિબાન શાસનથી ભાગવાનો પ્રયાસ કરી રહ્યા છે. ભારતે અફઘાનિસ્તાનમાં રહેતા હિન્દુ અને શીખ સમુદાયના લોકોને આશ્રય આપવાની વાત પણ કરી છે. પરંતુ હવે આ દરમિયાન તાલિબાનીઓએ અફઘાનિસ્તાનમાં રહેલા હિંદુઓ અને શીખોને લઈને મોટું નિવેદન આપ્યું છે.

તાલિબાનોએ આગ્રહ કર્યો છે કે ,અફઘાનિસ્તાનમાં હિન્દુઓ અને શીખ એકદમ સુરક્ષિત છે. કાબુલ ગુરુદ્વારા સમિતિની બેઠક બાદ તાલિબાને આ નિવેદન આપ્યું છે. અફઘાનિસ્તાનમાં હિન્દુઓ અને શીખોને હેરાન કરવામાં આવશે નહીં અને તેમને સંપૂર્ણ સુરક્ષા પણ મળશે તેવી ખાતરી આપવામાં આવી છે. તાલિબાન સાથે કાબુલ ગારદ્વારા સમિતિની આ બેઠકની તસવીર પણ સામે આવી છે જ્યાં ઘણા તાલિબાન નેતાઓ બેઠેલા જોવા મળે છે.

મળતી માહિતી અનુસાર, તમને જણાવી દઈએ કે થોડા સમય પહેલા સમાચાર મળ્યા હતા કે, તાલિબાનના ડરને કારણે 200 લોકોએ કાબુલના ગુરુદ્વારામાં આશરો લીધો છે. તેમાંથી મોટાભાગના હિન્દુ અને શીખ સમુદાયના હતા. ઘણા એવા પણ હતા જેઓ હવે સીધા અમેરિકા કે કેનેડા જવાનું વિચારી રહ્યા હતા. તેને તાલિબાન પર વિશ્વાસ નહોતો.

પરંતુ હવે આ જ વિશ્વાસ જીતવા માટે તાલિબાને કાબુલ ગુરુદ્વારા સમિતિ સાથે આ બેઠક યોજી છે. બેઠકમાં સ્પષ્ટપણે કહેવામાં આવ્યું છે કે, કોઈએ ડરવાની જરૂર નથી અને દરેકને સુરક્ષા આપવામાં આવશે. પરંતુ વર્તમાન પરિસ્થિતિને જોતા, તાલિબાનની ખાતરી પર કોઈ વિશ્વાસ કરી રહ્યું નથી. અત્યારે તાલિબાનના શબ્દો અને કાર્યોમાં મોટો તફાવત છે. કોઈપણ રીતે, તાલિબાન હવે લઘુમતીઓને કેટલી સ્વતંત્રતા આપશે, જેણે અફઘાનિસ્તાનમાં શરિયા કાયદો લાગુ કરવાનું કહ્યું છે, તે પોતે જ એક મોટો પ્રશ્ન છે.