October 12, 2024
હરિયાણાના સોનેપતમાં ચોર ભગવાનનું ઘર પણ છોડતા નથી. ચોરોએ કાળી માતાના મંદિરમાં છત તોડી અંદરથી આશરે ચાર કિલો ચાંદીના અને ઝવેરાતની ચોરી કરી હતી. લાંબા વાંસની મદદથી ચોર મંદિરની છત પર પહોંચ્યા હતા. 10 દરવાજા પાર કર્યા બાદ તેઓ ચોરી કરી પાછા ધાબા પરથી ભાગી ગયા હતા.
આ સમય દરમિયાન મંદિરમાં રહેલા ચોકીદાર અને પુજારીને ચોરના આવવાની અને મંદિરનું તાળું તોડવાની ખબર પણ પડી ન હતી. સવારની આરતી દરમિયાન ચોરીનો આખો કિસ્સો બહાર આવ્યો હતો. આ પછી પોલીસને જાણ કરવામાં આવી હતી. પોલીસે રિપોર્ટ નોંધીને ચોરની શોધખોળ શરૂ કરી છે. વાંસની મદદથી મંદિરમાં પ્રવેશ કરવાની અને ચોરીની આ ઘટના સીસીટીવીમાં કેદ થઈ છે.
કામી રોડ પર કાલી માતાનું મંદિર છે. ભક્તોમાં મંદિરની ખૂબ માન્યતા છે. દૂર-દૂરથી ભક્તો મંદિરની મુલાકાત લે છે. રવિવારે મંદિરની વર્ષગાંઠ હોવાથી સ્વચ્છતાનું કામ ચાલી રહ્યું છે. મંદિરની અંદરની સીડી છત સાથે જોડાયેલી હતી. પુજારી અને ચોકીદાર રાત્રે મંદિરમાં રહે છે.
Trending News
રાત્રે ચોરો ચોરી કરવા માટે ક્યાંકથી ઊચા વાંસ લાવ્યા હતા અને તેની મદદથી મંદિરની છત પર પહોંચ્યા હતા. તેઓ છત પરથી સીડીની મદદથી મંદિરમાં પ્રવેશ્યા અને મુખ્ય દરવાજાના તાળા તોડી નાખ્યા. મુખ્ય દરવાજા પછી, ચોરો એક પછી એક દરવાજા પાર કરી અંદર પહોંચ્યા. ત્યાંથી ચોરોએ કાલી માતાનો એક કિલોનો ચાંદીનો મુગટ અને સવા બે કિલોનો ચાંદીની છત્ર ચોરી કર્યા હતા.
તે જ સમયે, માતાની નાની પ્રતિમાની 250 ગ્રામ ચાંદીની છત્ર પણ ચોરી કરી હતી. આ ઉપરાંત મૂર્તિઓના શૃંગારના દાગીના પણ ચોરાઈ ગયા હતા. ચોરોએ આશરે ચાર કિલો ચાંદીના ઝવેરાત અને છત્ર લીધા હતા અને પાછળથી ધાબા પર દોડી ગયા હતા. એટલું જ નહીં ચોરીની આખી ઘટના સીસીટીવીમાં કેદ થઈ હતી. તપાસ અધિકારી ચાંદસિંહે જણાવ્યું છે કે, પોલીસ આ કેસની તપાસ કરી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle