ટેસ્લા કંપનીની ભારતમાં ‘એન્ટ્રી’ -આ શહેરમાં ભાડા પર લીધી ઓફિસ, દર મહિને ભાડા પેટે ચૂકવશે આટલા લાખ

Tesla leases space in Pune for its first office in India: ઈલોન મસ્કની માલિકીની સુપ્રસિદ્ધ ઈલેક્ટ્રીક કાર નિર્માતા ટેસ્લા, ભારતીય વડાપ્રધાન નરેન્દ્ર મોદીની તેમની યુએસ મુલાકાત દરમિયાન તાજેતરની બેઠક બાદ ભારતમાં તેનો મેન્યુફેક્ચરિંગ પ્લાન્ટ શરૂ કરવા માટે તૈયાર છે. ત્યારથી તેની તૈયારીમાં વ્યસ્ત છે. . આ કારણે, તાજેતરમાં કંપનીએ B વિંગ, પંચશીલ બિઝનેસ પાર્ક, પૂણેમાં 5850 ચોરસ ફૂટ જગ્યા માટે 5 વર્ષ માટે કરાર કર્યા છે, જે પ્રથમ માળે છે.

કંપની દ્વારા લેવામાં આવેલી જગ્યાનું ભાડું 11.56 લાખ રૂપિયા પ્રતિ માસ છે. આ સિવાય કંપનીએ 5 વર્ષ માટે 34.95 લાખ સિક્યોરિટી તરીકે જમા કરાવ્યા છે. આ ડીલમાં કંપનીને 5 કાર અને 10 બાઇક માટે પાર્કિંગ સ્પેસ આપવામાં આવી છે. જ્યારે બીજી તરફ, કેન્દ્ર સરકારે તાજેતરમાં જ ચીનની સૌથી મોટી ઇલેક્ટ્રિક વાહન નિર્માતા BYD (બિલ્ડ યોર ડ્રીમ્સ)ની ભારતમાં 1 બિલિયનનો મેન્યુફેક્ચરિંગ પ્લાન્ટ સ્થાપવાની ઓફર ઠુકરાવી દીધી હતી.

તેનું કારણ 2020માં ભારત-ચીન સરહદ પર સૈનિકો વચ્ચેની અથડામણ બાદ સરકારે બનાવેલા કડક નિયમો છે. કારણ કે આ પહેલીવાર નથી જ્યારે સરકારે ચીનની કોઈ કંપનીની રોકાણની ઓફરને ફગાવી હોય. આ પહેલા પણ સરકારે તેના ઈલેક્ટ્રિક વાહનોના ઉત્પાદન માટે ગ્રેટ વોલ ઓફ ચાઈના મોટર તરફથી લગભગ સમાન રકમના રોકાણની ઓફરને પણ નકારી કાઢી હતી.

બંને ટેસ્લા સાથે સ્પર્ધા કરતી કંપનીઓ 
ગ્રેટ વોલ મોટર અને BYD બંને, જે ટેસ્લા કાર સાથે સ્પર્ધા કરે છે, ભારતના ઇલેક્ટ્રિક વાહન સેગમેન્ટમાં પ્રવેશવા માટે ઘણી મુશ્કેલીઓનો સામનો કરી રહી છે, જે ટેસ્લા માટે સારી બાબત છે.