September 21, 2024
ATM લૂંટારાએ ખુરશી પર બેઠેલા ગાર્ડ પર પાછળથી હથોડો મારી હુમલો કર્યો હતો. ત્યારબાદ ATM ગાર્ડ લોહીથી લથપથ હતો. આ પછી આરોપી તેને કેબિનમાં ખેંચીને લઈ ગયો અને કપડાથી તેનું ગળું દબાવીને જીવ લઈ લીધો. ત્યાર બાદ કપડાં બદલીને ત્યાંથી ચાલ્યા ગયા હતા.
આ ઘટના શુક્રવારે વહેલી સવારે ઇન્ડસ્ટ્રીયલ વિસ્તારમાં બની હતી. અહીં એક એટીએમ લૂંટારાએ સિક્યોરિટી ગાર્ડની હત્યા કરી નાખી, જો કે ગાર્ડે છેલ્લા શ્વાસ સુધી લૂંટારુનો સામનો કર્યો. આરોપીએ પહેલા એટીએમની બહાર સુતેલા ગાર્ડના માથામાં હથોડી જેવી ભારે વસ્તુ વડે માર્યો હતો. લોહીથી લથપથ હાલતમાં પણ સિક્યોરિટી ગાર્ડ લૂંટારુ સાથે બાથ ભીડી હતી. ત્યારબાદ લૂંટારુ તેને એટીએમ કેબિનમાં ઘસડી ગયો અને ગળું દબાવી દીધું. આ સમગ્ર ઘટના 12 થી 15 મિનિટ સુધી ચાલી હતી. પોલીસના પ્રાથમિક સીસીટીવી ફૂટેજમાં અજાણ્યો આરોપી કપડા બદલતો જોવા મળે છે, હાલ તે ફરાર છે.
Trending News
સાયરન વાગતા પોલીસ પહોંચી, આરોપી પહેલાથી જ ફરાર
આ ઘટના પીથમપુરના સેક્ટર-1 પોલીસ સ્ટેશન હેઠળના મહુ-નીમચ રોડ પર સ્થિત સ્ટેટ બેંક ઓફ ઈન્ડિયાના ATMમાં બની હતી. બેંક મેનેજરને સર્વર રૂમમાંથી માહિતી મળી કે તેમની પીથમપુર બેંકમાં સ્થાપિત એટીએમમાં કોઈ શંકાસ્પદ હિલચાલ છે. આના પર તેણે તરત જ પોલીસને ફોન કર્યો. સાયરન વગાડતા પોલીસ ત્યાં પહોંચી હતી, જો કે તે પહેલા આરોપી ભાગી ગયો હતો.
જ્યારે પોલીસ ઘટનાસ્થળે પહોંચી તો તેણે જોયું કે, એટીએમની અંદર અને બહાર લોહી હતું. સુરક્ષા કર્મચારી ગજરાજ સિંહ (55)ની લાશ અંદર પડી હતી. માહિતી મળતાની સાથે જ સ્ટેશન ઈન્ચાર્જ, શહેર પોલીસ અધિક્ષક પણ ઘટના સ્થળે પહોંચી ગયા હતા. સમગ્ર મામલાની ગંભીરતાથી તપાસમાં લાગી ગયા છે. આ ઘટના શુક્રવારે સવારે 3.30 થી સાંજના 4 વાગ્યાની જણાવવામાં આવી રહી છે.
એટીએમ કાપવા કટર મશીન લાવ્યા હતા, પણ…
આરોપીએ એટીએમની બહાર ખુરશી પર બેઠેલા ગાર્ડને પહેલા પાછળથી હુમલો કરીને ગંભીર રીતે ઇજા પહોંચાડી અને પછી તેને અંદર ખેંચી ગયો હતો. ગાર્ડે ખૂબ જહેમત ઉઠાવી, પરંતુ આરોપીએ કપડાથી ગાર્ડનું ગળું દબાવી દીધું. આરોપી પોતાની સાથે કટર મશીન લાવ્યો હતો. તેનો હેતુ એટીએમ કાપીને તેમાં રાખેલી રોકડ ઉપાડવાનો હતો. પરંતુ ગાર્ડના વિરોધના કારણે તે પૈસા લઈ શક્યો ન હતો.
ગાર્ડના મોતની માહિતી મળતા જ પરિવારના સભ્યો અને સમાજના લોકો ઘટના સ્થળે પહોંચી ગયા હતા. આરોપીઓની ધરપકડની માંગ સાથે મહુ-નીમચ ફોરલેનને જામ કરી દીધી. પોલીસની સમજાવટ બાદ બે કલાક બાદ ટ્રાફિક જામ ખુલ્લો થયો હતો. સંબંધીઓએ CSPને માંગણી પત્ર આપ્યું છે, જેમાં આર્થિક વળતર, પરિવારના સભ્યને સરકારી નોકરી અને 24 કલાકમાં આરોપીઓની ધરપકડ કરવાની માંગણી કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.