લગ્ન મંડપમાં પહોચે એ પહેલા જ એકતરફા પ્રેમીમાં પાગલ યુવકે દુલ્હનનું ઢીમ ઢાળી દીધું

ઉત્તર પ્રદેશ (Uttar Pradesh)ના મથુરા (Mathura)માં દુલ્હન (bride)ની હત્યા (Murder)ની સનસનાટીભરી ઘટના સામે આવી છે. ગુરુવારે રાત્રે મુબારકપુર ગામમાં લગ્ન દરમિયાન દુલ્હનની જ હત્યા કરવામાં આવી હતી. એવું કહેવામાં આવી રહ્યું છે કે એક યુવકે એકતરફા પ્રેમ (Love)માં કન્યાને ગોળી મારી દીધી છે. ત્યાર બાદ આરોપી ફરાર થઈ ગયો હતો. પોલીસે ગુનો નોંધી આરોપીની શોધખોળ શરૂ કરી છે.

મથુરાના પોલીસ સ્ટેશનના નૌઝીલ વિસ્તારના ગામ મુબારકપુરમાં રહેતા ખુબરામની પુત્રી કાજલના લગ્ન નોઈડાના એક યુવક સાથે નક્કી થયા હતા. ગુરુવારે જાન આવી હતી. જયમાળાની ધામધૂમથી ઉજવણી કરવામાં આવી હતી. આ પછી લગ્નની વિધિઓ ચાલી રહી હતી. દુલ્હન બનેલી કાજલ ફેરા પહેલા રૂમમાં બેઠી હતી. ત્યારે એક યુવકે રૂમમાં ઘુસીને તેને ગોળી મારી દીધી હતી.

કન્યાની આંખ પાસે ગોળી વાગી હતી:
કાજલની આંખ પાસે ગોળી વાગી હતી, જેના કારણે તેનું ઘટનાસ્થળે જ મોત થયું હતું. દુલ્હનની હત્યાથી લગ્ન પ્રસંગમાં અરેરાટી ફેલાઈ ગઈ હતી. આ દરમિયાન આરોપી નાસી ગયો હતો. માહિતી મળતા જ પોલીસ ઘટનાસ્થળે પહોંચી ગઈ હતી. આરોપી યુવક તેના જ ગામનો રહેવાસી છે. તે જ સમયે, મૃતકના પિતા ખૂબરામનું કહેવું છે કે લગ્ન સમારોહ પછી અંદર લગ્નની વિધિની તૈયારીઓ ચાલી રહી હતી, તે દરમિયાન એક યુવક આવ્યો અને ગોળી મારીને ભાગી ગયો. પોલીસે કેસ નોંધી આરોપીની શોધ શરૂ કરી છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.