અહિયાં એવો તો કેવો અકસ્માત થયો કે, કારના બે ટુકડા થઇ ગયા- ત્રણ મહિલાના ઘટના સ્થળે જ મોત

આજકાલ વધી રહેલા અકસ્માતના કિસ્સા દરમિયાન ફરીવાર એક અકસ્માત સામે આવ્યો છે. જેમાં મધ્યપ્રદેશના છિંદવાડામાં શુક્રવારે એક ગંભીર અકસ્માત સર્જાયો હતો. રામકોણાથી પરત ફરતી ગાડીની પુલ સાથે ગંભીર રીતે ટક્કર થઈ હતી. જેને પરિણામે ગાડીના 2 ટુકડા થઈ ગયા હતા. અકસ્માતમાં 3 મહિલાનાં ઘટનાસ્થળ પર મોત નીપજ્યાં હતા, જ્યારે અન્ય 2 લોકોની હાલત ગંભીર છે.

જાણવા મળ્યું છે કે, ઈજાગ્રસ્તોને સારવાર માટે નાગપુર ખસેડવામાં આવ્યા છે. પોલીસના જણાવ્યા મુજબ, સૌંસરનો રહેવાસી સચિન જયસ્વાલ પોતાના પરિવાર સાથે એક લગ્ન પ્રસંગમાં ભાગ લેવા રામકોણા ગયો હતો. શુક્રવારે તે ગાડીમાં પરત આવી રહ્યો હતો. આ દરમિયાન નાગપુર રોડ નજીક ડ્રીમ હોટલ પાસે બાઇકસવાર તેમની કારની સામે આવ્યો હતો.

તેને બચાવવા જતા સચિન જયસ્વાલે કાબૂ ગુમાવ્યો અને ગાડી પુલ સાથે ધડાકાભેર અથડાઈ ગઈ હતી. આ દુર્ઘટનામાં સૌંસરની નિવાસી રોશની, માધુરી અને પ્રિયાનાં ઘટનાસ્થળે જ કરુણ મોત નીપજ્યાં હતાં. આ ઉપરાંત કારચાલક સચિન જયસ્વાલ અને નીલમ જયસ્વાલને ગંભીર ઈજાઓ પહોંચી હોવાનું સામે આવ્યું છે.

હાલ બંનેને ગંભીર હાલતમાં નાગપુરની હોસ્પિટલમાં ખસેડવામાં આવ્યા છે. મળતી માહિતી મુજબ, રામકોણામાં સાંજે લગ્નપ્રસંગ હતો. જેમાં સામેલ થવા માટે કારમાં સવાર પરિવારના સભ્યો સોંસર જઈ રહ્યા હતા. ત્યાંથી તૈયાર થયા બાદ સાંજ સુધીમાં તેમણે લગ્નપ્રસંગમાં હાજરી આપવા જવાનું હતું. આ દરમિયાન તેમને ગંભીર અકસ્માત નડ્યો હતો. અને પ્રસંગ માં જવાને બદલે માતમ છવાયો હતો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.