બ્લેક ફંગસ પછી હવે આ નવી બીમારીએ મચાવ્યો હડકંપ, આવી રીતે શરીર પર કરે છે હુમલો

સમગ્ર દેશમાં હજુ કોરોનાની બીજી લહેરએ થોભવાનું નામ નથી લીધું ત્યાં તો મ્યુકોરમાઈકોસિસ નામની એક બીજી ભયંકર બીમારી સામે આવી છે. મ્યુકોરમાઈકોસિસના કેસમાં પણ હવે સતત વધારો જોવા મળી રહ્યો છે. જેને લીધે ઘણા દર્દીઓના મૃત્યુ પણ થઇ ચુક્યા છે. ત્યારે મ્યુકોરમાઈકોસિસના બીજો પ્રકાર એટલે કે વ્હાઇટ ફંગસ નામની બીમારીના કેસ નોંધાતા હડકંપ મચી ગયો છે.

હાલમાં મળતી માહિતી અનુસાર PMCH માં માઈક્રોબાયોલોજી વિભાગના હેડ ડો. એસએન સિંહે આ જાણકારી આપી છે કે પટનામાં બ્લેક ફંગસ કરતા પણ વધુ ઘાતકી કહી શકાય એવી ગંભીર બીમારીના ચાર દર્દીઓ હાલમાં મળી આવેલ છે. જયારે આ ચાર દર્દીઓમાં એક દર્દી તરીકે ફેમસ સ્પેશિયાલિસ્ટનો પણ સમાવેશ થાય છે.

બ્લેક ફંગસ કરતા પણ જોખમી છે આ વ્હાઈટ ફંગસ:
આ બિમારી બ્લેક ફંગસ કરતા ખુબ વધારે ખતરનાક છે. કહેવામાં આવી રહ્યું છે કે વ્હાઇટ ફંગસથી ફેફસા સંક્રમિત થાય છે અને શરીરના બીજા અંગ જેવા કે નખ, સ્કીન, પેટ, કિડની, મગજ અને  ગુપ્તાંગમાં પણ સંક્રમણ ફેલાઇ શકે છે. જેથી તે ખુબ જ વધારે જોખમી છે.

આ રીતે દર્દીમાં જાણ થઈ વ્હાઈટ ફંગસના સંક્રમણની:
આ ચાર દર્દીઓમાં કોરોના વાયરસના લક્ષણો જોવા મળ્યા હતા. આ તમામ દર્દીઓ કોરોનાથી નહિ પરંતુ વ્હાઈટ ફંગસથી સંક્રમિત હતા. આ દર્દીઓમાં કોરોનાના ત્રણેય ટેસ્ટ રેપિડ એન્ટીબોડી, ટેસ્ટ રેપિડ એન્ટીજન અને આરટી-પીસીઆર નેગેટિવ આવ્યા હતા. તપાસ કરતાની સાથે જ ફક્ત એન્ટી ફંગલ દવાઓથી તેઓ સાજા થઈ ગયા હતા.