November 24, 2024
IAS ઓફિસરનો ડાન્સ વીડિયો: અવાર-નવાર સોશિયલ મીડિયા(Social media) પર કોઈને કોઈ વિડીઓ વાયરલ થતા હોય છે. એવામાં હાલમાં જ કેરળના IAS ઓફિસર (IAS officer)નો એક વીડિયો સોશિયલ મીડિયા પર ધૂમ મચાવી રહ્યો છે. આ વાયરલ વીડિયોમાં IAS મહિલા વિદ્યાર્થીઓ સાથે ડાન્સ(Dance) કરતા જોવા મળી રહ્યા છે. IASને ‘નાગડા સંગ ઢોલ..’ ગીત પર ડાન્સ કરતા જોઈને ઘણા યુઝર્સે પોતાની પ્રતિક્રિયા આપી છે.
મળતી માહિતી અનુસાર, આ મહિલા IASનું નામ દિવ્યા એસ અય્યર છે. તેણી કેરળના પથાનમથિટ્ટા જિલ્લાની ડીએમ છે. આ વિડિયોમાં, IAS દિવ્યા રણવીર સિંહ-દીપિકા પાદુકોણ અભિનીત રામ-લીલાના ગીત ‘નાગડા સંગ ઢોલ…’ પર વિદ્યાર્થીઓના જૂથ સાથે ડાન્સ કરતા જોઈ શકાય છે. આ વીડિયોને અજીન પથાનમથિટ્ટા નામના યુઝરે ફેસબુક પર શેર કર્યો છે. તેનું કેપ્શન લખ્યું છે- ‘વિદ્યાર્થીઓ સાથે જિલ્લા કલેક્ટરની ડાન્સ મૂવ્સ.’
વીડિયો અનુસાર, IAS મહાત્મા ગાંધી યુનિવર્સિટી (એમજી યુનિવર્સિટી, કેરળ)ના આર્ટ ફેસ્ટિવલની તૈયારીઓની સમીક્ષા કરવા સ્ટેડિયમ પહોંચ્યા હતા. આ દરમિયાન IAS દિવ્યા એસ અય્યરે વિદ્યાર્થીઓ સાથે ડાન્સ કર્યો હતો. નેટીઝન્સ આ વીડિયોને ખૂબ પસંદ કરી રહ્યા છે. યુઝર્સ IAS દિવ્યાને પ્રોત્સાહિત કરવા અને બાળકો સાથે ભળવા બદલ વખાણ કરી રહ્યા છે.
Trending News
એક રીપોર્ટ અનુસાર, અય્યર ‘દીપકઝ્ચા’ના ઉદ્ઘાટન માટે સ્થળ પર હાજર હતા, જ્યાં વિદ્યાર્થીઓની વારંવારની વિનંતીઓ બાદ તે નૃત્યમાં જોડાયા હતા. તેનો વીડિયો લોકોને ખુબ જ પસંદ આવી રહ્યો છે અને હજારો લોકોએ જોયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.