સુરતમાં આર્થિક મંદીએ વધુ એક વેપારીનો ભોગ લીધો

હાલ સુરત સહિત સમગ્ર દેશમાં કોરોનાનો કહેર ચાલી રહ્યો છે. એવામાં ધંધા રોજગાર પણ ઠપ થયેલા છે.આ વચ્ચે સુરતના બોમ્બે માર્કેટ ના ટેક્સટાઇલ વેપારીએ જહાંગીરપુરા વિસ્તારમાં પોતાની કારમાં ઝેરી દવા પી આત્મહત્યા કરી છે.

કોરોના વચ્ચે કેટલાય લોકોએ આત્મહત્યા કરી લીધી છે, તેનું એકમાત્ર કારણ છે કે કોરોનાના કારણે તેઓ બેરોજગાર બન્યા હતા અને કોઈ કામ ના મળતા દબાણમાં આવી તેઓ આ નિર્ણય લેવા મજબુર થયા છે, દેશમાં કોરોના કેસની સાથે-સાથે આત્મહત્યાના કેસ દિવસેને દિવસે વધી રહ્યા છે. હાલના સમયમાં કોરોનાની સાથે સાથે આર્થિક મંદીનો પણ સામનો કરી રહ્યા છે.

સુરતના આ વેપારીની ઓળખ જયેશ સરસીયા નામથી થઈ રહી છે. જયેશભાઈના માથે દેવું વધી જતા આર્થિક સંકડામણને કારણે આત્મહત્યા કરી હોવાનું પ્રાથમિક ધોરણે માનવામાં આવી રહ્યું છે.

જોકે જહાંગીરપુરા પોલીસે અકસ્માત મોતનો ગુનો નોંધ્યો છે અને ઘટના સ્થળ પર પહોંચી વધુ તપાસ હાથ ધરી છે.