November 06, 2024
હરિયાણા(Haryana): ચંડીગઢના સેક્ટર 11/12ના ડિવાઈડિંગ રોડ પર બુધવારે મોડી રાત્રે એક યુવતીએ કાર પર ચઢીને હંગામો મચાવ્યો હતો. ઘણા પ્રયત્નો બાદ પોલીસે યુવતીને નીચે ઉતારી અને મેડિકલ ટ્રીટમેન્ટ માટે સેક્ટર-16ની હોસ્પિટલમાં લઈ ગઈ. હવે સેક્ટર-11 પોલીસ સ્ટેશન આ મામલે તપાસ કરી રહ્યું છે કે, યુવતી નશામાં હતી કે કેમ.
મામલો રાત્રે 10.30 વાગ્યાની આસપાસનો છે. પોલીસને માહિતી મળી હતી કે એક યુવતી અલ્ટો કાર પર ચડીને હંગામો મચાવી રહી છે. સેક્ટર 11 પોલીસ સ્ટેશન અને પીસીઆર લેડી પોલીસ સાથે ઘટનાસ્થળે પહોંચી હતી અને યુવતીને નીચે ઉતરવા સમજાવ્યું હતું પરંતુ તે નીચે ઉતરતી ન હતી. ક્યારેક તે કારની છત પર બેઠી હતી, ક્યારેક ઊભી રહેતી અને ક્યારેક આડી પડી. આ દરમિયાન સ્થળ પર મોટી ભીડ એકઠી થઈ ગઈ હતી. લોકો એ પણ સમજી શક્યા ન હતા કે યુવતી સાથે શું થયું છે અને તે કાર પર ચઢીને આવું કૃત્ય કેમ કરી રહી છે. કારના ડ્રાઈવરના કહેવા પ્રમાણે, યુવતી તેની કારની સામે આવી ગઈ હતી. કાર રોકતાની સાથે જ તે કાર પર ચડી ગઈ.
Trending News
આરોપ છે કે યુવતીએ લોકોને કેટલાક ઈશારા પણ કર્યા હતા. ઘણી જહેમત બાદ મહિલા પોલીસ તેને નીચે ઉતારીને લઈ ગઈ હતી. પોલીસ અલ્ટો કાર ચાલકની પૂછપરછ કરી રહી છે કે છોકરી તેની કારમાં કેવી રીતે આવી. પોલીસ યુવતીને જીએમએસએચ-16માં પણ લઈ ગઈ છે. ત્યાં તેણીની તબીબી તપાસ કરવામાં આવી રહી છે, જેથી તે જાણી શકાય કે તેણી નશામાં હતી કે નહીં.
પોલીસે જણાવ્યું કે આ યુવતી મંગળવારે પીજીઆઈ ચોકી પર ફરિયાદ આપવા આવી હતી. તે ઉત્તરાખંડની રહેવાસી છે અને તેણે ફાર્મસી કરી છે. આ યુવતી થોડા દિવસ પહેલા પીજીઆઈની અંદર એક મેડિકલ સ્ટોરમાં નોકરી માટે આવી હતી. નોકરી આપવામાં આવે તે પહેલાં તેને ટ્રાયલ પર મૂકવામાં આવી હતી.
તે પહેલા દિવસે કામ પર આવી હતી પરંતુ બીજા દિવસે સમયસર ડ્યુટી પર આવી નહોતી. જે બાદ તેને નોકરી માટે ના પાડી દેવામાં આવી હતી. યુવતીએ મંગળવારે 100 નંબર પર ફોન કર્યો હતો. પીજીઆઈ પોલીસ તેને પોસ્ટ પર લઈ ગઈ. તેણે પોલીસને જણાવ્યું કે મેડિકલ સ્ટોરમાં તેની સાથે કામ કરતા એક કર્મચારીએ તેની સાથે દુષ્કર્મ આચરવાનો પ્રયાસ કર્યો હતો. આ મામલે પણ તપાસ ચાલી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.