માસ્ક ન પહેર્યું તો ગયા સમજો- હાઈકોર્ટે સરકારને કહ્યું આટલા હજારનો દંડ કરો

હાલમાં સમગ્ર રાજ્યમાં કોરોના વાઈરસ હાહાકાર મચાવી રહ્યો છે. રાજ્યમાં કોરોનાનું સંક્રમણ ઓછું કરવા માટે સરકાર દ્વારા યુદ્ધના ધોરણે કામગીરી કરવામાં આવી રહી છે. રાજ્યમાં સૌથી વધારે કોરાના પોઝિટિવ કેસોની સંખ્યા અમદાવાદમાં છે પરંતુ અમદાવાદમાં કોરોનાનું સંક્રમણ કાબૂમાં છે. અમદાવાદ બાદ સુરતમાં કોરોનાનું સંક્રમણ સતત વધી રહ્યું છે અને સુરત બાદ હવે સૌરાષ્ટ્રના રાજકોટ, જૂનાગઢ અને અમરેલીમાં કોરોના પોઝિટિવ કેસો સતત વધી રહ્યા છે. બુધવારના રોજ રાજ્યમાં નવા 1,020 કેસો નોંધાયા હતા. હાલ રાજ્યમાં કુલ કોરોના પોઝિટિવ કેસની સંખ્યા 65,704 છે. જયારે અત્યાર સુધીમાં રાજ્યમાં 2,534 લોકોના મોત થઈ ચૂક્યા છે.

કોરોના વાઈરસ ઉપર કાબૂ મેળવવા માટે રાજ્ય સરકાર અને આરોગ્ય વિભાગ દ્વારા દરેક લોકોને ફરજીયાત માસ્ક પહેરવાની સૂચના આપવામાં આવે છે અને જે લોકો માસ્ક નથી પહેરતા તે લોકોની પાસેથી 500 રૂપિયાના દંડની વસુલાત કરવામાં આવે છે. જો કે, પહેલા 200 રૂપિયાનો દંડ વસૂલવામાં આવતો હતો પરંતુ હાલ લોકો પાસેથી 500 રૂપિયાના દંડની વસૂલાત કરવામાં આવી રહી છે.

ઘણા લોકો 500 રૂપિયાની દંડ આપીને છૂટી જતાં હોય છે. દંડની રકમમાં વધારો થયા પછી પણ કેટલાક લોકો માસ્ક પહેરતા નથી ત્યારે ગુજરાત હાઇકોર્ટે આ બાબતે સરકારને એક મહત્ત્વનો આદેશ કરતા કહ્યું છે કે, અમને એવું લાગી રહ્યું છે કે, 200 કે 500 રૂપિયાનો દંડ લોકોને બહુ નહીં નડે નિયમ તોડનારાઓ માટે આ સામાન્ય રકમ રકમ છે. સરકાર અને કોર્પોરેશને માસ્ક ન પહેરનારને પહેલીવાર 1000 રૂપિયાનો અને ત્યારબાદ 5000 રૂપિયા સુધીનો દંડ કરવો જોઈએ. માસ્ક ન પહેરવાની ભૂલ પર દંડની રકમ વધવી જોઈએ.