પહેલીવાર માતમ, ખુશીમાં બદલાયો… ડોકટરે મૃત જાહેર કરેલી બાળકી ઘરે આવીને શ્વાસ લેવા લાગી… જુઓ વિડીયો

હાલમાં જ એક ચોંકાવી દે તે પ્રકારની ઘટના સામે આવી છે. જેમાં હોસ્પિટલની ઘોર બેદરકારી સામે આવી છે. જો વાત કરવામાં આવે તો રાજધાની દિલ્હી(Delhi)ની મોટી હોસ્પિટલ લોક નાયક જય પ્રકાશ(LNJP) હોસ્પિટલની બેદરકારી સામે આવી છે. હોસ્પિટલ પર આરોપ છે કે તેણે રવિવારે સાંજે લગભગ 6 વાગ્યે જન્મેલી બાળકીને મૃત જાહેર કરી અને તેને ઘરે મોકલી દીધી. પરંતુ સંબંધીઓએ ઘરે જઈને જોયું તો બાળકી જીવિત હતી.

दिल्ली के LNJP अस्पताल की बड़ी लापरवाही..

एक जीवित नवजात बच्ची को मरा घोषित कर डिब्बें में पैक करके परिजनों को सौंपा। नवजात के परिजन उस पैकेट को लेकर घर चले गए और जब ढाई घंटे के बाद परिजनों ने उसे खोला तो बच्ची जिंदा मिली। #LNJP #Hospital #Doctor #DelhiNews pic.twitter.com/cJfS09bMWU

— kumar naveen (@naveenk24051993) February 20, 2023

મહત્વનું છે કે, બાળકીને એક બોક્સમાં રાખવામાં આવી હતી, ત્યારબાદ યુવતીના સંબંધીઓ તેને હોસ્પિટલ લઈ ગયા અને ડોક્ટરોએ તેને જોવાની ના પાડી. જે બાદ હોસ્પિટલ સ્ટાફ અને સંબંધીઓ વચ્ચે ભારે બોલાચાલી થઈ હતી. આ પછી, સેન્ટ્રલ ડીસીપી સંજય સૈનને આ વિશેની માહિતી મળી, તેમણે કોઈ પણ સમય બગાડ્યા વિના બાળકીનો જીવ બચાવવા હોસ્પિટલના ટોચના ડૉક્ટરોનો સંપર્ક કર્યો. હાલ તો બાળકીનો જીવ બચી ગયો છે. પોલીસની મદદથી તેની સઘન સારવાર ચાલી રહી છે.

પોલીસના સહયોગથી સારવાર કરાઈ શરુ:
આ મામલામાં દિલ્હી પોલીસ સેન્ટ્રલ ડિસ્ટ્રિક્ટનું કહેવું છે કે, રવિવારે તેમની પાસે 5 કલાકની પ્રિમેચ્યોર બાળકીનો મામલો આવ્યો હતો, જેમાં જાણવા મળ્યું હતું કે પરિવાર અને હોસ્પિટલ વચ્ચે કોઈ વાતને લઈને ઝઘડો થયો હતો. આ પછી ડીસીપી સેન્ટ્રલે તાત્કાલિક સ્થાનિક સ્ટાફને મામલો ઉકેલવા કહ્યું અને ત્યાર બાદ 5 કલાકની બાળકીને સારવાર આપવામાં આવી. પરિવારનો આરોપ છે કે, બાળકીના મૃત્યુના સમાચાર સાંભળીને તેઓએ કફનની વ્યવસ્થા કરી હતી, પરંતુ બાળકીને જીવતી જોઈને તેઓ પાછા હોસ્પિટલ દોડી ગયા હતા, પરંતુ હોસ્પિટલે તેની સારવાર કરવાને બદલે તેને જોવાની પણ ના પાડી દીધી હતી.