November 18, 2024
યુપી: જ્યારે કોઈ વ્યક્તિ પ્રેમમાં હોય છે ત્યારે સમાજ, સંબંધો અને વિશ્વસત્તા જેવી વસ્તુઓ ભૂલી જાય છે. તે ફક્ત તેના પ્રેમીની યાદોમાં ખોવાઈ જાય છે. તેમને એકબીજા સાથે આખું જીવન હસતા અને ખુશ કરવાના સપના હોય છે. તેઓ ધીમે-ધીમે લગ્ન અને પછી બાળકો જેવી બાબતો વિશે વિચારવાનું પ્રારંભ કરે છે. 22 વર્ષીય સૌરભ કુમારે પણ આવું જ એક સ્વપ્ન જોયું હતું. જાણવા મળ્યું છે કે, યુપીના રેપુરા રામપુર શાહ ગામે રહેતા સૌરભને કાંતિ પોલીસ સ્ટેશન વિસ્તારના સોનબરસ ગામમાં રહેતી એક યુવતી સાથે પ્રેમ થયો હતો. તેણે તેની ગર્લફ્રેન્ડ સાથે રહેવાની અને સાથે મરી જવાના શપથ લીધા હતા.
સૌરભ ઘણી વાર તેની ગર્લફ્રેન્ડને કહેતો હતો કે, તેણે તેના ઘરની સામે પોતાનું મકાન બનાવવું છે. તેનો પ્રેમ આખી દુનિયાને બતાવશે, પણ ભગવાનને કઈ બીજું જ મંજુર હશે તેમ આજે તેની ચિતા તેની ગર્લફ્રેન્ડના ઘરની સામે સળગી રહી હતી. અને આ ગર્લફ્રેન્ડ એકવાર તેને જોવા પણ નહોતી આવી. આ અનોખી લવ સ્ટોરી હવે આખા વિસ્તારમાં ચર્ચાનો વિષય બની છે.
હકીકતમાં રેપુરા રામપુર શાહ ગામનો રહેવાસી મનીષકુમાર ઠાકુરનો 22 વર્ષીય પુત્ર, સૌરભ કુમાર કાંતિ પોલીસ સ્ટેશન વિસ્તારના સોનબરસ ગામે રહેતી તેની પ્રેમિકા સાથે પ્રેમ સંબંધમાં હતો. તે શુક્રવારે રાત્રે તેની ગર્લફ્રેન્ડના ઘરે ગુપ્ત રીતે મળવા ગયો હતો. જોકે યુવતીના પરિવારે તેને રંગે હાથ પકડ્યો હતો. આ દરમિયાન સૌરભ ત્યાંથી ભાગે તે પહેલા જ યુવતીના પરિવારજનોએ તેને પશુઓની જેમ માર મારવાનું શરૂ કરી દીધું હતું. લાત અને મુક્કાની સાથે લોખંડના સળિયા પણ સૌરભ પર વરસાવ્યા હતા. જેથી તે બેભાન થઈ ગયો. પરંતુ, યુવતીના પરિવારના સભ્યો આથી સંતુષ્ટ ન હતા અને તેણે સૌરભનો ખાનગી ભાગ કાપી નાખ્યો. જોકે આ અંગે હજી સુધી કોઈ પુષ્ટિ થઇ નથી.
Trending News
જાણવા મળ્યું છે કે, સૌરભને બેભાન કર્યા બાદ બાળકીનો પરિવાર તેને મુઝફ્ફરપુરની ખાનગી હોસ્પિટલમાં લઈ ગયો હતો. અહીં સૌરભના પરિવારજનોને જાણ કરી આ પરિવાર ત્યાંથી ભાગી ગયો હતો. સૌરભના પરિવારના સભ્યો હોસ્પિટલમાં આવ્યા ત્યાં સુધીમાં તો તેનું મોત નીપજ્યું હતું અને ડોક્ટરોએ તેને મૃત જાહેર કર્યો. પોલીસ દ્વારા લાશને પોસ્ટ મોર્ટમ માટે મોકલી આપવામાં આવી હતી. આ પછી જ્યારે મૃતદેહ રેપુરા રામપુર શાહ પાસે આવી ત્યારે લોકોનો રોષ ફાટી નીકળ્યો હતો. આ પછી લોકો સૌરભની ડેડબોડી તેની ગર્લફ્રેન્ડના ઘરે લઈ ગયા. તેણે તેની ગર્લફ્રેન્ડના ઘરની સામે સૌરભની ચિતા શણગારી હતી.
આ દરમિયાન, કાયદો અને વ્યવસ્થાનો હવાલો આપીને પોલીસ દ્વારા તેને આમ કરવાથી રોકી પરંતુ લોકો સહમત ન થયા અને સૌરભની અંતિમ વિધિ કરવા મક્કમ રહ્યા. આ દરમિયાન, કાંતિની સાથે નજીકના 6 જેટલા પોલીસ મથકોની પોલીસ પણ ત્યાં ગોઠવાઈ હતી. ત્યારબાદ ત્યાં જ સૌરભની ચિતા પ્રગટાવવામાં આવી હતી. આ ઘટના ગર્લફ્રેન્ડના ગામના લોકોએ પણ જોઈ હતી. જોકે, લોકોએ ફક્ત એટલું જ કહેવાનું હતું કે જે ગર્લફ્રેન્ડ માટે સૌરભે પોતાનો જીવ ગુમાવ્યો તે તેના અંતિમ સંસ્કારમાં એકવાર પણ બહાર ન આવી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.