ઘરના જધે ન્યા ક્યાય નો વધે! બહેનપણીએ જ યુવતીનો નગ્ન અવસ્થાનો વીડિયો ઉતારી પૂર્વ પ્રેમીને મોકલી દીધો

સામાન્ય રીતે મિત્ર(Friend) કે બહેનપણી એવા હોય કે જેઓ મુશ્કેલ પરિસ્થિતિ દરમિયાન સાથ આપે. પરંતુ, હાલમાં જલાલપોર (Jalalpore)માં એક ચોકાવનારો કિસ્સો સામે આવ્યો છે. મળતી માહિતી અનુસાર, અહીં પોતાની જ બહેનપણીએ યુવતી નહાતી હતી તેનો વિડીઓ(Video) ઉતાર્યો અને ત્યારબાદ વાયરલ કર્યો હતો. આ યુવતી કોઈ કારણોસર તેના પતિથી અલગ રહેતી હતી.

આ યુવતીની એક ખાસ બહેનપણી હતી. બંનેની મિત્રતા ઘણી સારી હતી. પછી એક વખત ઉતાવળમા બહાર જવાનુ થયું ત્યારે બન્ને એક જ બાથરૂમમાં સાથે નહાવા ગઈ હતી. તે દરમિયાન કામિની (નામ બદલ્યું છે) નહાતી હતી ત્યારે રૂપાલી (નામ બદલ્યું છે)એ છુપાઈને કામિનીનો નહાતા સમયનો વીડિયો મોબાઈલમાં રેકોર્ડ કરી લીધો હતો. આ બાદ તેણે આ વીડિયો કામિનીના પૂર્વ પ્રેમી મિત્તલ ટંડેલને મોકલ્યો હતો. ત્યાંથી આ વિડીઓ વાયરલ કરી દેવામાં આવ્યો હતો.

આ વાતની જાણ થતા કામિનીએ જલાલપોર પોલીસ મથકમાં તેની બહેનપણી અને તેના પૂર્વ પ્રેમી વિરુદ્ધ ફરિયાદ નોંધાવી હતી. મળતી માહિતી અનુસાર, કામિનીનો તેના પતિ સાથે કોઈ કારણોસર વિવાદ થતા તે છેલ્લાં 4 વર્ષથી તેના પિયરમાં રહેતી હતી. આ વિડીઓ રૂપાલી દ્વારા 1 વર્ષ પહેલાં ઉતારવામાં આવ્યો હતો. ફરિયાદના આધારે પોલીસે બન્ને આરોપીની ધરપકડ કરી હોવાના સમાચાર સામે આવ્યા છે.