November 24, 2024
મેડિકલ કોલેજ (Medical College) ના ચોથા માળેથી એક BDS વિદ્યાર્થીનીએ છલાંગ લગાવી. તેની હાલત ગંભીર છે. તેને આઈસીયુમાં દાખલ કરવામાં આવી છે. આ ઘટનાનો વીડિયો પણ સામે આવ્યો છે. આ વિડીયોમાં છોકરી કૂદતી જોવા મળે છે. સાથી વિદ્યાર્થીની ઓએ જણાવ્યું કે કૂદવાના બે-ત્રણ કલાક પહેલા યુવતી તેના મોબાઈલ પર કોઈની સાથે વાત કરી રહી હતી.
તેણીએ કહ્યું, “હું ઉપર જાઉં છું, ત્યાંથી સેલ્ફી લેવી છે. હવામાન પણ સારું છે.” આ પછી, વિદ્યાર્થીની અચાનક બાઉન્ડ્રી પર ઉભી રહી ગઈ. વિદ્યાર્થીઓએ નીચે બૂમો પાડી કે કુદીશ નહીં, પરંતુ છોકરીએ કોઈની વાત ન સાંભળી અને તે ત્યાંથી કૂદી ગઈ. કોલેજ મેનેજમેન્ટનું કહેવું છે કે કૂદતા પહેલા, તેણીની એક મિત્ર સાથે ફોન પર ઝઘડો થયો હતો. મામલાની તપાસ કરવામાં આવી રહી છે.
View this post on Instagram
Trending News
BDS બીજા વર્ષમાં અભ્યાસ કરતી હતી વિદ્યાર્થીની…
આપઘાતનો પ્રયાસ કરનાર 20 વર્ષીય વિદ્યાર્થીની લિસાડીગેટ વિસ્તારના રશીદનગરમાં રહે છે. તે સુભારતી મેડિકલ કોલેજમાં BDS બીજા વર્ષમાં અભ્યાસ કરે છે. જ્યાં છોકરી પડી ત્યાં પાર્ક અને હરિયાળી છે, એટલે કે જમીન કાચી છે. યુવતીને કરોડરજ્જુમાં ફ્રેક્ચર છે. એક પગમાં ઈજા થઈ છે.
પોલીસ ચેક કરી રહી છે યુવતીની કોલ ડિટેઈલ
વિદ્યાર્થીનીએ છત પરથી કૂદવાની જાણ થતાં પરિવારજનો હોસ્પિટલ પહોંચ્યા હતા. તે કહે છે કે તેણે તેના વિદ્યાર્થી સાથે મોબાઈલ પર વાત કરી હતી, પરંતુ તેણે કંઈપણ કહ્યું ન હતું. પોલીસ હવે વિદ્યાર્થિનીની કોલ ડિટેઈલ ચકાસી રહી છે. સાથે જ પરિવારના સભ્યોના નિવેદન પણ નોંધવામાં આવ્યા છે. અત્યાર સુધીની પોલીસ તપાસમાં વિદ્યાર્થીએ હતાશામાં આવીને ભયજનક પગલું ભર્યું હોવાનું સામે આવ્યું છે. સાથે જ સાથી વિદ્યાર્થીઓનું કહેવું છે કે પારિવારિક અને અંગત કારણોસર તેમણે આપઘાતનો પ્રયાસ કર્યો છે.
એસપી કેશવ કુમારે જણાવ્યું કે, વિદ્યાર્થીની કૂદવાનો મામલો સામે આવ્યો છે. પોલીસ તપાસ કરી રહી છે. પરિવારને આ અંગે કોઈ ફરિયાદ નથી. આ મામલે કોલેજ પ્રશાસન અને મિત્રોની પૂછપરછ અને તપાસ બાદ જ કંઈક કહી શકાશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.