November 05, 2024
ગુજરાત રાજ્યમાં આવેલા પાટણ જિલ્લાના રાધનપુર વારાહી હાઇવે પર ખુબજ ભયંકર અકસ્માત સર્જાયો છે. આ અકસ્માતમાં છ લોકોના કરુણ મોત નીપજ્ય છે. આ અકસ્માત પાટણ જિલ્લાના રાધનપુર વારાહી હાઇવે પર મોટી પીપળી ગામના પાસે સર્જાયો હતો.આ ઘટનામાં 6 ના મોત થયા છે અને 12 લોકોને ઈજા થઇ છે.
સારવાર માટે ઘાયલોને હોસ્પિટલ ખસેડવામાં આવ્યા છે. મોટી પીપળી નજીક પાટણ જિલ્લાના રાધનપુર વારાહી હાઇવે માર્ગ પર રાજસ્થાનના મજૂરોને લઈને જતી જીપનું ટાયર ફાટતાં રોડ પર ઉભેલા ટ્રક સાથે જીપ અથડાતાં 6 લોકોનાં કરુણ મોત નીપજ્યા હતા, ત્યાર અન્ય 12 લોકોને ઇજા થઇ છે. ઇજા પામેલા લોકોને રેફરલ હોસ્પિટલમાં સારવાર માટે લઇ ગયા હતા.
Trending News
જયારે ઘટનાની જાણ પોલસને થઇ ત્યારે તરતજ પોલીસ ઘટના સ્થળે અવી પહોચી હતી. જીપમાં સવાર લોકો રાધનપુરથી વારાહી જઈ રહ્યા હતા તેવું જાણવા મળ્યું છે. આ અકસ્માત બાદ સ્થાનિક નાગરિકે ઘટનાસ્થળ પર ઉભા રહીને પોલીસની કામગીરી પર સવાલો ઉઠાવ્યા હતા અને ખુબજ રોષ ઠાલવ્યો હતો.
લોકોએ સવાલ કર્યો કે ધોળે દિવસે આટલા લોકો જીપમાં આવતા હતા તેમ છતાય પોલીસે કોઈ કાર્યવાહી કેમ ન કરી? ઘેટા-બકરાની જેમ ભરવામાં આવતા હપ્તા ઉઘરાવાતા હોવાનો આક્ષેપ કરતો વીડિયો વાઈરલ થયો છે.
અકસ્માતની આ ગોઝારી ઘટનામાં સમજુબેન ફુલવાદી, પિનલ વણઝારા, કાજલબેન પરમાર, અમ્રિતાબેન વણઝારા તેમજ દુદાભાઈ સેજાભાઈ રાઠોડનું મૃત્યુ નીપજ્યું છે. જયારે અંજલિબેન નિતેશભાઈ બણઝાર, બાબુભાઈ વાઘજીભાઈ ઠાકોર, મલિક યાસીન ઝાકીરભાઈ, સરોજબેન દિનેશભાઈ ભીલ, ભમરભાઈ કળિયા બણઝાર, રોશનબેન ઝાકીરભાઈ મલેક, સીતાબેન જગદીશભાઈ ભીલ, ગાયત્રીબેન મનસુખભાઈ ભીલ, ઝાકીરભાઈ અહેમદભાઈ મલેક, મધુબેન બાબુભાઈ ઠાકોર તેમજ સીમાબેન મિતુલભાઈ બણઝાર ઘાયલ થયા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.