November 24, 2024
કોરોના(Corona) વાયરસનો કહેર હજુ થમ્યો નથી ત્યાં ઠો એક નવા વાયરસે દસ્તક આપી દીધી છે. આ વાયરસનું નામ ‘મંકીપોક્સ(Monkeypox)’ છે. આ વાયરસ જે સંક્રમિત ઉંદરો અથવા વાંદરા જીવોમાંથી જેવા મનુષ્યોમાં ફેલાય છે, તેને મંકીપોક્સ નામ આપવામાં આવ્યું છે. આ પહેલા પણ આ વાયરસે ખુબ જ લોકોને પરેશાન કર્યા છે અને ફરી એકવાર તેના સંક્રમિત દર્દીઓ આવવા લાગ્યા છે. યુકેના આરોગ્ય અધિકારીઓના જણાવ્યા અનુસાર, આ ચેપ નાઈજીરીયાથી આવ્યો છે. વર્લ્ડ હેલ્થ ઓર્ગેનાઈઝેશન (WHO) અનુસાર, વર્ષ 1970માં મનુષ્યોમાં મંકીપોક્સનો પ્રથમ કેસ જોવા મળ્યો હતો.
મંકીપોક્સ વાયરસ શું છે?
મંકીપોક્સ એ શીતળા રોગ જેવો જ એક વાયરલ રોગ છે જે ઉંદરો અને ખાસ કરીને વાંદરાઓથી મનુષ્યોમાં ફેલાય છે. જો કોઈ પ્રાણી આ વાયરસથી સંક્રમિત થાય છે અને કોઈ માણસ તેના સંપર્કમાં આવે છે, તો તેને પણ મંકીપોક્સ થવાની સંભાવના છે. તે અછબડા કરતા વધુ ખતરનાક લાગે છે, તેમાં લગભગ સમાન લક્ષણો છે. જે લોકોમાં વધુ ચેપ હોય છે તેઓ ન્યુમોનિયાના લક્ષણો પણ બતાવી શકે છે. આ રોગ એક વ્યક્તિથી બીજામાં ફેલાય છે. ચેપગ્રસ્ત વ્યક્તિને સ્પર્શ કરવાથી, છીંકવાથી કે ખાંસી આવવાથી, ચેપગ્રસ્ત વ્યક્તિના મળના સંપર્કમાં આવવાથી અથવા ચેપગ્રસ્ત વ્યક્તિની વસ્તુઓનો ઉપયોગ કરીને આ રોગ અન્ય વ્યક્તિમાં ફેલાય છે.
મંકીપોક્સ વાયરસના લક્ષણો:
આ મંકીપોક્સ વાયરસથી આખા શરીરમાં લાલ ફોલ્લીઓ થવા લાગે છે. સાથે સાથે ન્યુમોનિયા, ગંભીર માથાનો દુખાવો, સ્નાયુમાં દુખાવો, ઠંડી લાગવી, અતિશય થાક લાગવો, તાવ આવવો, શરીરમાં સોજો આવવો, શારીરિક શક્તિનો અભાવ, ત્વચા પર ફોલ્લીઓ અને સમય જતાં લાલ ફોલ્લીઓ થવી તમામ લક્ષણો જોવા મળે છે.
Trending News
મંકીપોક્સની સારવાર:
આ રોગથી સંક્રમિત વ્યક્તિ એક અઠવાડિયામાં સ્વસ્થ થઈ જાય છે, પરંતુ કેટલાક લોકોમાં આ રોગ ગંભીર બની જાય છે અને જીવલેણ બની શકે છે, મંકીપોક્સનો હજુ સુધી કોઈ ઈલાજ નથી. માત્ર લક્ષણો ઘટાડવાનો પ્રયાસ કરવામાં આવશે. આ વાયરસથી સંક્રમિત વ્યક્તિને શીતળા સામે રસી આપવામાં આવે છે, જે આ રોગને રોકવામાં ઘણી હદ સુધી મદદ કરે છે. તેમજ જોખમ પણ ઘણી હદ સુધી ઘટી જાય છે.
મંકીપોક્સથી કેવી રીતે બચશો:
સંક્રમિત વ્યક્તિને એકાંતમાં રાખવામાં આવે છે જેથી આ રોગ અન્ય લોકોમાં ન ફેલાય. ફેસ માસ્કનો ઉપયોગ કરવો અને સ્વચ્છતાનું ધ્યાન રાખવાની સલાહ આપવામાં આવે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.