March 10, 2025
Delhi Election 2025: દિલ્હીના સલીમપુરમાં બોગસ વોટીંગના આરોપને લઈને જબરજસ્ત હંગામા થયો છે. સલીમપુરમાં આમ આદમી પાર્ટી અને ભાજપના કાર્યકર્તાઓ (Delhi Election 2025) વચ્ચે ઝડપ થઈ હતી. ભાજપના નેતાઓના અનુસાર એવા ઘણા મામલાઓ સામે આવ્યા છે, જેમાં બુરખો પહેરેલી મહિલાઓએ મતદાન કેન્દ્રો પર કથીત તે રીતે બોગસ વોટીંગ કર્યું છે. ભાજપના કાર્યકર્તાઓએ દાવો કર્યો છે કે ચૂંટણી પ્રક્રિયામાં હેરાફેરી કરવામાં આવી રહી છે.
ભાજપે ચૂંટણી આયોગ પાસે કાર્યવાહી કરવા રજૂઆત કરી
BJPએ ચૂંટણી આયોગની ફરિયાદ કરી હતી કે અહીંયા બોગસ વોટીંગ ચાલી રહ્યું છે. આ દરમિયાન મતદાન અધિકારીઓએ આશ્વાસન આપ્યું છે કે હજુ સુધીમાં કોઈ પણ પ્રકારની આવી ઘટના અમારા ધ્યાને આવી નથી. અધિકારીઓએ પણ હજુ સુધી કોઈ જવાબ આપ્યો નથી.
કાર્યકર્તાઓ વચ્ચે ઘર્ષણ
જાણકારી અનુસાર સલીમપુરમાં બીજેપી આરોપ લગાવ્યો છે કે બુરખામાં કેટલીક મહિલાઓ બોગસ વોટીંગ કરી રહી છે. તે વાતને લઈને આમ આદમી પાર્ટી અને ભાજપના કાર્યકર્તાઓ વચ્ચે ઘર્ષણ જોવા મળ્યું હતું. એકબીજા વિરુદ્ધ નારે બાજી કરી રહ્યા હતા. પોલીસે બંને પાર્ટીઓના કાર્યકર્તાઓને ત્યાંથી હટાવ્યા છે.
Trending News
દિલ્હી પોલીસનું નિવેદન આવ્યું સામે
દિલ્હી પોલીસનું કહેવું છે કે સવારે લગભગ 12:00 વાગ્યે આર્યન પબ્લિક સ્કૂલ, જાફરાબાદ મતદાન કેન્દ્ર પર સલીમપુર વિધાનસભા ક્ષેત્રથી ભાજપના ઉમેદવારએ આમ આદમી પાર્ટીના ઉમેદવાર વિરુદ્ધ બોગસ વોટીંગનો આરોપ લગાવ્યો છે. આ મુદ્દે કાર્યવાહી કરતા અમે બંને પક્ષોના સમર્થકોને ત્યાંથી દૂર લઈ ગયા છીએ. હજુ સુધી કોઈ પણ પક્ષ તરફથી પોલીસને કોઈ પણ પ્રકારની ફરિયાદ કરવામાં આવી નથી.
VIDEO | Delhi Assembly Elections 2025: Uproar outside a polling booth in Seelampur as BJP alleges fake voting. Police jostle to maintain peace. #DelhiElections2025 #DelhiElectionsWithPTI pic.twitter.com/ldxATD8N4k
— Press Trust of India (@PTI_News) February 5, 2025
સૌરભ ભારદ્વાજે પોલીસ પર લગાવ્યો ગંભીર આરોપ
તેમજ ગ્રેટર કૈલાશ વિધાનસભાથી આમ આદમી પાર્ટીના ઉમેદવાર સૌરભ ભારદ્વાજ આરોપ લગાવ્યો હતો કે દિલ્હી પોલીસ દિલ્હીના એક મતદાન કેન્દ્ર પર લોકોને વોટિંગ કરવાથી રોકી રહી છે. તેમણે કહ્યું હતું કે પોલીસવાળા સવારથી જ મતદાન પર અસર કરી રહ્યા છે. તેઓએ બેરીકેડ શા માટે લગાવ્યા છે? દિલ્હી પોલીસના વરિષ્ઠ અધિકારીએ તેમને બેરીકેટ લગાવવા માટે કહ્યું છે? આ તમામ લોકો મતદાતાઓને હેરાન કરી રહ્યા છે.
#WATCH | #DelhiElections2025 | BJP workers hold protest over alleged bogus voting in Seelampur Assembly constituency. pic.twitter.com/dAwFIAddxn
— ANI (@ANI) February 5, 2025
એસએસપી અને એસએચઓ પર લગાવ્યો ગંભીર આરો
સૌરભ ભારદ્વાજે કહ્યું કે આમ આદમી પાર્ટીના જ્યાં વધારે મતદાતા છે, તેવા માલવીય નગરના એસીપી અને એસએચઓ સરેઆમ લોકોને હેરાન કરી રહ્યા છે. એસએચઓએ ગઈકાલે રાત્રે અમારા પ્રાઇવેટ સ્થળો પર રેડ કરી હતી. દિલ્હીના તમામ મતદાન કેન્દ્ર પર પોલીસ આવું જ કરી રહી છે. લોકો મેટ્રો હોવા છતાં મતદાન કેન્દ્ર સુધી પહોંચી શકતા નથી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App