November 02, 2024
હિંદુ ધર્મ (Hinduism)માં તુલસી (Basil)ના છોડને ખૂબ જ પવિત્ર માનવામાં આવે છે. એવું કહેવાય છે કે દેવી લક્ષ્મી પોતે તુલસીના છોડમાં નિવાસ કરે છે, તેથી ઉપવાસ, તહેવારો અને શુભ કાર્યો પર તુલસીની પૂજા કરવામાં આવે છે અને દેવતાઓને તુલસીના પાન ચઢાવવામાં આવે છે. તુલસીની પૂજા કરવાથી જીવનમાં સુખ-સમૃદ્ધિ આવે છે. જે લોકો તુલસીનો છોડ ઘરમાં રાખે છે, તેઓએ કેટલીક ખાસ બાબતોનું ધ્યાન રાખવું જોઈએ. વાસ્તુ અનુસાર 5 વસ્તુઓ તુલસીના છોડ પાસે ક્યારેય ન રાખવી જોઈએ.
શૂઝ અને ચપ્પલ:
વાસ્તુ અનુસાર તુલસીના છોડની પાસે ક્યારેય પણ ચંપલ કે શૂઝ ન રાખવા જોઈએ. આ તુલસીની સાથે સાથે માતા લક્ષ્મીનું પણ અપમાન કરે છે. તમારી આ એક ભૂલથી ધનની દેવી માતા લક્ષ્મી નારાજ થઈ શકે છે. એટલા માટે તુલસીના છોડની નજીક સ્વચ્છતાનું ખાસ ધ્યાન રાખો.
સાવરણી:
ભગવાન વિષ્ણુને તુલસી ખૂબ જ પ્રિય છે. એટલા માટે તેની નિયમિત પૂજા ખૂબ જ ફળદાયી છે. કહેવાય છે કે તુલસીની પાસે સાવરણી ક્યારેય ન રાખવી જોઈએ. તેનાથી દેવી લક્ષ્મી અને ભગવાન વિષ્ણુ બંનેનું અપમાન થાય છે. તુલસી પાસે સાવરણી રાખવાથી પણ વ્યક્તિ ગરીબ બની શકે છે. તેથી, જો તમે આ કરો છો, તો આજે જ તમારી આ ભૂલ સુધારી લો.
Trending News
શિવલિંગ:
શિવલિંગને ભૂલથી પણ તુલસીના કુંડામાં ન રાખવું જોઈએ. દંતકથા અનુસાર, તુલસીનું તેના પાછલા જન્મમાં નામ વૃંદા હતું, જે શકિતશાળી અસુર જલંધરની પત્ની હતી. જલંધરને તેની શક્તિઓ પર ખૂબ ગર્વ હતો. આ રાક્ષસનો વધ ભગવાન શિવે જ કર્યો હતો. આ કારણથી શિવલિંગને તુલસીથી દૂર રાખવામાં આવે છે.
કાંટાવાળા છોડ:
તુલસીના ચમત્કારી છોડને ક્યારેય કાંટાવાળા છોડ સાથે ન રાખવા જોઈએ. આવું કરવાથી અશુભ ફળ મળે છે. એટલા માટે ગુલાબ અને કેક્ટસ જેવા કાંટાવાળા છોડને તેનાથી દૂર રાખવા સારું રહેશે. નહિતર ઘરના સભ્યો વચ્ચે મતભેદ, લડાઈ અને તણાવની સમસ્યા વધી શકે છે.
ડસ્ટબીન:
તુલસીનો છોડ ખૂબ જ પવિત્ર છે, તેથી તેની આસપાસ સ્વચ્છતાનું ખાસ ધ્યાન રાખવું જોઈએ. તુલસીના કુંડાની પાસે ક્યારેય ડસ્ટબીન ન રાખો. જેના કારણે ઘરમાં નકારાત્મકતા અને ગરીબી ફેલાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.