March 25, 2025
RO water disadvantage: શહેરોમાં પાણી શુદ્ધ કરવા માટે ROનો ઉપયોગ સામાન્ય છે, પરંતુ શું તમે જાણો છો કે સતત ROનું પાણી પીવું તમારા સ્વાસ્થ્ય માટે હાનિકારક (RO water disadvantage) હોઈ શકે છે? નિષ્ણાતોના મતે, RO પાણીમાંથી જરૂરી ખનિજોને દૂર કરે છે, જેના કારણે અનેક રોગો થઈ શકે છે.
સામાન્ય રીતે લોકો માને છે કે ROનું પાણી પીવાથી સ્વાસ્થ્ય સારું રહે છે. પરંતુ વાસ્તવમાં, RO પાણીમાં રહેલા આવશ્યક ખનિજોને પણ ખતમ કરી દે છે, જે આપણા શરીર માટે ખૂબ જ જરૂરી હોય છે.
ROનું પાણી પીવાથી થઈ શકે છે આ બીમારીઓ:
હૃદય સંબંધિત બીમારીઓ: ROનું પાણી સતત પીવાથી હાર્ટ એટેક અને હાર્ટ પેઈન જેવી હૃદય સંબંધિત બીમારીઓનું જોખમ વધી શકે છે.
એનિમિયા: ROનું પાણી શરીરમાં એનિમિયાનું કારણ બની શકે છે, જેનાથી શરીરમાં નબળાઈ અને થાકની સમસ્યા વધે છે. લોહીની ઉણપને કારણે અન્ય ગંભીર રોગો પણ થઈ શકે છે.
વિટામિન B12ની ઉણપ: RO પાણીના નિયમિત સેવનથી શરીરમાં વિટામિન B12ની ઉણપ થઈ શકે છે, જે લાલ રક્તકણો બનાવવા માટે જરૂરી છે. તેની ઉણપથી થાક, નબળાઈ, ચક્કર અને ડિપ્રેશન જેવી સમસ્યાઓ આવી શકે છે.
Trending News
બ્લડ પ્રેશર: RO પાણીમાં જરૂરી ખનિજોની કમી હોવાથી શરીરનું ઇલેક્ટ્રોલાઇટ સંતુલન ખોરવાઈ શકે છે, જેના કારણે બ્લડ પ્રેશર વધવાની શક્યતા રહે છે. આનાથી બેચેની અને માથાનો દુખાવો પણ થઈ શકે છે.
ગર્ભાવસ્થામાં જોખમી: ગર્ભાવસ્થા દરમિયાન માતા અને બાળક બંનેના સ્વાસ્થ્યનું ધ્યાન રાખવું ખૂબ જ જરૂરી છે. આ સમયે ROનું પાણી પીવાથી ઘણી સમસ્યાઓ થઈ શકે છે. તેથી ગર્ભાવસ્થા દરમિયાન ઉકાળેલું પાણી પીવું વધુ સારું માનવામાં આવે છે.
WHOએ આપી આ સલાહ
ઉલ્લેખનીય છે કે થોડા સમય પહેલા વિશ્વ આરોગ્ય સંસ્થા (WHO)એ પણ ROના વધુ પડતા ઉપયોગ અંગે ચેતવણી આપી હતી. એક રિપોર્ટમાં WHOએ ROના વધુ પડતા ઉપયોગથી થતા નુકસાન વિશે જણાવ્યું હતું. ઘણા ડોક્ટરો પણ પાણીને ઉકાળીને અને ફિલ્ટર કરીને પીવાની સલાહ આપે છે. તેથી, RO પાણીનો ઉપયોગ મર્યાદિત કરવો અને શરીર માટે જરૂરી ખનિજો જળવાઈ રહે તેવા વિકલ્પો પર ધ્યાન આપવું જરૂરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App