માત્ર 100 રૂપિયા આપીને પૂજારીની પત્ની પાસેથી એક શખ્સ હજારો રૂપિયાનાં ઘરેણાં લઈ ગયો – જાણો કેવી રીતે અહી ..

હાલમાં સમગ્ર વિશ્વમાં કોરોનાની મહામારી ચાલી રહી છે. આવાં સમયમાં છેતરપીંડીની ઘટનાઓ હાલમાં સમગ્ર રાજ્યમાંથી સામે આવી રહી છે. હાલમાં ફરી એકવાર આવી જ એક ઘટના સામે આવી રહી છે. ઠગ ચોર ટોળકીએ હવે મંદિરોને પણ પોતાનાં ટાર્ગેટ બનાવવાં લાગ્યાં છે.

નવાં-નવાં આઈડિયા અપનાવીને ઠગ ટોળકીઓ મંદિરમાં હવે પૂજા કરવાનાં બહાને પહોંચી જતાં હોય છે. જ્યાં એકાદી મહિલાને પોતાની વાતોમાં ફસાવીને એમની કિંમતી વસ્તુઓને ઉતરાવી લેતાં હોય છે. આવો જ એક કિસ્સો અમદાવાદમાંથી સામે આવ્યો છે.

પૂજારીની પત્નીને માત્ર 100 રૂપિયા આપીને કુલ 97,000 રૂપિયાનાં દાગીનાને લઈને શખ્સ રફુચક્કર થઈ ગયો છે. રાણીપ વિસ્તારમાં આવેલ ચંદ્રેશ્વર મહાદેવ મંદિરમાં પંકજ પડ્યા પૂજાની વિધિ કરાવે છે. એમનાં કુલ 60 વર્ષીય પત્ની મનીષાબેન પણ દરરોજ એમની સાથે મંદિર જતાં હોય છે.

મંગળવારની સાંજે પંકજભાઈ કોઈપણ વિધિ કરવાં માટે મંદિરથી બહાર ગયા હતાં. આ સમયે મનીષાબેન મંદિરમાં એકલાં જ હતાં. ત્યારે એક યુવક મનીષાબેનની નજીક આવ્યો હતો અને કહ્યું હતું, કે મેં નવી દુકાન લીધી છે મારે પૂજા કરવી છે.