“અત્ર-તત્ર-સર્વત્ર” મેઘ કહેર: છેલ્લા 24 કલાકમાં 102 તાલુકાઓમાં ભારે વરસાદ- સૌથી વધુ કપરાડામાં 9 ઈંચ વરસ્યો

Heavy rains in 102 taluks in last 24 hours: ગુજરાતમાં વરસાદે ત્રીજા રાઉન્ડમાં સૌરાષ્ટ્રમાં ભૂકા કાઢી નાખ્યા છે.ગીર સોમનાથ, જૂનાગઢ, પોરબંદર, રાજકોટ, દ્વારકા, જામનગર સહિતના ઘણા વિસ્તારો મેઘરાજાએ ધમાકેદાર બેટિંગ કરી રહ્યા છે. જેના કારણે આ જિલ્લાઓના ઘણા વિસ્તારોમાં પૂર જેવી સ્થિતિ ઉભી થઈ છે. ત્યારે આજે પણ રાજ્યના ઘણા જિલ્લાઓમાં વરસાદને(Heavy rains in 102 taluks in last 24 hours) લઈને હવામાન વિભાગે આગાહી કરી છે. આજે દેવભૂમિ દ્વારકામાં હવામાન વિભાગે રેડ એલર્ટ જાહેર કર્યું છે.

છેલ્લા 24 કલાકમાં ગુજરાતના 102 તાલુકાઓમાં વરસાદ નોંધાયો છે. જેમાં વલસાડ જિલ્લાના કપરાડામાં મેઘરાજાએ ભૂકા બોલાવી દીધા છે. અહીં 24 કલાકમાં 9 ઈંચ જેટલો વરસાદ પડી ચુક્યો છે. જેના કારણે કપરાડાના રસ્તાઓ બેટમાં ફરવાયા છે, તો ખેતરમાં વરસાદી પાણી ભરાયા છે. આ ઉપરાંત નીચાણવાળા વિસ્તારોમાં આવેલા ઘરો અને દુકાનોમાં પાણી ઘૂસી ગયા છે. જેના કારણે લોકોને ભારે નુકસાનીઓનો સામનો કરવો પડે છે.

ખંભાળિયામાં 8.2 અને વિસાવદરમાં 8 ઈંચ વરસાદ
કપરાડા ઉપરાંત છેલ્લા 24 કલાકમાં ખંભાળિયામાં પણ 8.3 ઈંચ વરસાદ પડ્યો છે. સાથે જ વિસાવદરમાં 8 ઈંચ વરસાદ પડ્યો છે. જ્યારે પારડી અને ધરમપુરમાં 4-4 ઈંચ, ઉમરગામમાં 3.7 ઈંચ, ડોલવણમાં 3.2 ઈંચ, વલસાડમાં 3.1 ઈંચ, કલ્યાણપુરમાં 3.1 ઈંચ, મહુવામાં 3 ઈંચ, પેટલાદમાં 2.1 ઈંચ, જૂનાગઢમાં 2.1 ઈંચ, જાંબુઘોડા અને તાલાલામાં 2-1 ઈંચ નોંધાયો છે. તો નવસારી, પાદરા, ધોરાજી, બોરસદ, સાંથલપુર 1.8 ઈંચ વરસાદ વરસ્યો છે. દાંતા, વઘઈ, વાપી, ભેસાણ, વાંસદામાં 1.2 ઈંચ વરસાદ ખાબક્યો છે.