આ વ્યક્તિએ બનાવી અનોખી ફ્રુટ પાણીપુરી- એવી વસ્તુઓ નાખે છે કે જોઇને તમે પણ ગુસ્સે થઈ જશો…જુઓ વિડીયો

Viral Video: તમે પાણીપુરી તો બહુ ખાધી હશે, પરંતુ શું તમે ક્યારેય પાણીપુરીને ફળો સાથે ખાધી છે? જી હા, સોશિયલ મીડિયા પર એક વીડિયો વાયરલ(Viral Video) થઈ રહ્યો છે, જેમાં એક વ્યક્તિ બટાકા અને વટાણાને બદલે સફરજન, ડ્રેગન ફ્રુટ્સ અને નાશપતીને ભરતો જોવા મળી રહ્યો છે. આવી અજીબોગરીબ પાણીપુરી જોઈને લોકોનો ગુસ્સો વધી ગયો છે.

ફૂડ એક્સપરિમેન્ટનો વીડિયો સોશિયલ મીડિયા પર વાયરલ
દુનિયામાં ખાવા-પીવાના શોખીન લોકોની કોઈ કમી નથી. ઘણા લોકો એવા છે કે તે ગમે ત્યાં કંઈપણ ખાવા માટે તૈયાર હોય છે. આવા ઘણા કિસ્સાઓ અવારનવાર પ્રકાશમાં આવે છે. આ જ કારણ છે કે આખી દુનિયામાં ખોરાકને લગતા વિવિધ પ્રકારના પ્રયોગો થતા રહે છે.આવા જ એક ફૂડ એક્સપરિમેન્ટનો વીડિયો સોશિયલ મીડિયા પર વાયરલ થઈ રહ્યો છે.આ ફૂડ પ્રયોગ એવો છે કે તેને જોયા પછી તમારો ગુસ્સો વધી શકે છે.

બટાકા અને વટાણાની જગ્યાએ ફ્રૂટ ઉમેર્યું
વાસ્તવમાં, એક વ્યક્તિએ પાણીપુરીમાં બટાકા અને વટાણાની જગ્યાએ એવી વસ્તુઓ ઉમેરી છે કે તે ખાવાનું જોઈને જ તમારું મન ખોવાઈ શકે છે. વીડિયોમાં તમે જોઈ શકો છો કે,દુકાનદાર પહેલા સફરજનના નાના ટુકડા કરે છે અને પછી ડ્રેગન ફ્રુટ્સ અને પછી નાશપતીના ટુકડા કરી ઉમેરે છે.આ પછી તે ત્રણેયને મિક્સ કરીને પુરીની અંદર ભરી દે છે. પછી તે પાણીપુરીમાં દહીં સહિતની વિવિધ વસ્તુઓ ઉમેરે છે અને અનોખી પાણીપુરી તૈયાર કરે છે. કહેવામાં આવી રહ્યું છે કે આ પાણીપુરી જયપુરમાં જોવા મળે છે.

આ વિચિત્ર ફૂડ કોમ્બિનેશનનો વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર jaipurhunger_stories નામની આઈડીથી શેર કરવામાં આવ્યો છે, જેને અત્યાર સુધીમાં 2 લાખ 80 હજારથી વધુ વખત જોવામાં આવ્યો છે, જ્યારે હજારો લોકોએ વીડિયોને લાઈક પણ કર્યો છે.