ગર્ભવતી મહિલાએ એકસાથે ત્રણ સ્વસ્થ બાળકને જન્મ આપ્યો, બે દીકરા સાથે ઘરમાં લક્ષ્મીનો પણ પ્રવેશ થયો

મેરઠ: ઉત્તર પ્રદેશ (Uttar Pradesh)ના મેરઠ (Meerut)ની એક મેડિકલ કોલેજ હોસ્પિટલ (Medical College Hospital)માં 51 વર્ષની એક મહિલાએ એક જ સાથે ત્રણ સ્વસ્થ બાળકોને જન્મ આપ્યો છે. ત્રણ બાળકોમાંથી પ્રથમ છોકરો 2 કિલોનો છે, જેને માતાને સોંપવામાં આવ્યો છે. તે જ સમયે, બીજો છોકરો 1.9 કિલો અને ત્રીજી છોકરી 1.5 કિલો છે, જેમને હવે NICUમાં રાખવામાં આવ્યા છે. તબીબોના જણાવ્યા અનુસાર બંને સ્વસ્થ છે અને ટૂંક સમયમાં જ તેમની માતાને સોંપવામાં આવશે.

મેડિકલ કોલેજના મીડિયા ઈન્ચાર્જ ડોક્ટર વીડી પાંડેએ જણાવ્યું કે, 51 વર્ષીય નૈના મેરઠ સ્થિત દુર્ગા નગરની રહેવાસી છે. તેના પતિનું નામ રોબિન સક્સેના છે. ગાયનેકોલોજી અને ઑબ્સ્ટેટ્રિક્સ વિભાગના આચાર્ય ડૉ. અરુણા વર્મા દ્વારા તેણીની સારવાર કરવામાં આવી રહી હતી. ડો.અરુણા, ડો.રાઘવી અને ડો.પ્રતિષ્ઠાએ સફળ ઓપરેશન કર્યું હતું. પ્રિન્સિપાલ ડો.આર.સી.ગુપ્તાએ સફળ ઓપરેશન માટે ડો.અરુણા અને તેમની ટીમનો આભાર માન્યો છે.

મેરઠની લાલા લજપત રાય મેડિકલ કોલેજમાં એક સાથે ત્રણ બાળકોના જન્મથી ખુશીનો માહોલ છે. જ્યારે બાળકોના માતા-પિતાએ હોસ્પીટલમાં ઉજવણી કરી હતી ત્યારે તબીબોની ટીમ પણ ખુબ જ ખુશ હતી. ડૉક્ટરનું કહેવું છે કે આવા કિસ્સા બહુ ઓછા છે કે એક મહિલા એક જ સમયે ત્રણ બાળકોને જન્મ આપે. વાસ્તવમાં, જે કોઈ પણ આ એક સાથે ત્રણ બાળકોને જન્મ આપતી માતા વિશે સાંભળે છે, તે આશ્ચર્યચકિત થઈ જાય છે અને તેના ચહેરા પર સ્મિત આવે છે કે પરિવાર પૂર્ણ થઈ ગયો છે. ભગવાને આ યુગલને બે છોકરા અને એક છોકરી એકસાથે પ્રસાદ તરીકે આપી છે. વાસ્તવમાં એક સાથે ત્રણ બાળકોનો આ કિસ્સો અનોખો છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.