બોર્ડની પરીક્ષા આપવા જતા એક જ પરિવારના 3 સભ્યોએ જીવ ગુમાવ્યો

સુરતના બારડોલીના ઉવા ગામ ખાતે એક કાર નહેરમાં જઈ પડી હતી. ઘટનાની જાણ થતા આસપાસથી લોકો ભેગા થઈ ગયા હતા.કરને ક્રેનની મદદથી બહાર કાઢવામાં આવતા બેનાં મૃતદેહ મળી આવ્યા હતા.જેમાં એક જ પરિવારના ભાઈ-બહેનનું મોત નિપજ્યું છે. જ્યારે કાર ડ્રાઈવર પિતા નહેરમાં તણાઈ ગયા હોવાની સંભાવનાને લઈને ફાયર વિભાગ દ્વારા શોધખોળ કરવામાં આવી રહી છે. અહિયાં ઉલ્લેખનિય છે કે, ધોરણ 12ની વિદ્યાર્થિની બોર્ડની પ્રેક્ટીકલની પરીક્ષા આપવા જતા અકસ્માત થયો હતો.

પીતાએ સ્ટીયરીંગ પરથી કાબૂ ગુમાવતા કાર નહેરમાં પડી

મી રહેલી વિગતો અનુસાર, બારડોલીના મઢી ખાતે આવેલા ચંપા ફળીયમાં શશીકાંતભાઈ ધનસુખભાઈ પરમાર પરિવાર સાથે રહે છે. દીકરી ઉર્વી બારડોલીની જીએમ પટેલ વિદ્યાલયમાં ધોરણ-12માં અભ્યાસ કરતી હતી. જ્યારે દીકરો યશ ધોરણ 8માં અભ્યાસ કરતો હતો. આજે ઉર્વીની બોર્ડની પ્રેક્ટીકલની પરીક્ષા હોવાથી કાર લઈને નીકળ્યા હતા.આ દરમિયાન સ્ટીયરીંગ પરથી કાબૂ ગુમાવતા કાર નહેરમાં જઈ પડી હતી. આસપાસથી દોડી આવેલા લોકોએ ફાયર વિભાગને જાણ કરી હતી. ફાયર વિભાગે ઘટના સ્થળે પહોંચી ક્રેનની મદદથી કારને નેહરમાંથી બહાર કાઢી હતી. જેમાં ઉર્વી અને યશના મૃતશરીર મળી આવ્યા હતા. જ્યારે શશીકાંતભાઈ તણાઈ ગયા હોવાની સંભાવનાને લઈને નહેરમાં તેમની શોધખોળ ચાલી રહી છે.