આજે છે સચિનનો જન્મ દિવસ, નિવૃત્તિ પછી પણ કરે છે કરોડોની કમાણી, જાણો કુલ સંપત્તિ

માસ્ટર બ્લાસ્ટર સચિન તેંડુલકરનો આજે 46મો જન્મ દિવસ છે.ક્રિકેટમાંથી રિટાયર થયા પછી પણ સચિન તેંડુલકર કરોડો રુપિયા કમાઈ રહ્યો છે.

2018માં બહાર પડેલા ફોર્બ્સના લિસ્ટ પ્રમાણે સચિનની કુલ સંપત્તિ 80 કરોડ રુપિયા છે.ક્રિકેટના ભગવાન કહેવાતો સચિન આજે પણ જાહેરાત,કંપનીઓમાં ભાગીદારી અને સ્પોર્ટસ ઈન્વેસ્ટમેન્ટ કરીને કરોડો રુપિયાની કમાણી કરી રહ્યો છે.

સચિન તેડુંલકરે કેટલાક સ્ટાર્ટ અપ બિઝનેસમાં રોકાણ કર્યુ છે. હૈદ્રાબાદ સ્થિતિ ટેક ફર્મ સ્માર્ટન ઈન્ડિયામાં તેનુ ઈન્વેસ્ટમેન્ટ છે. આ ફર્મ સ્માર્ટ ડિવાઈસ બનાવે છે.આ સિવાય સ્મેશ નામની સ્પોર્ટસ કંપનીમાં સચિન સહ માલિક છે.તેની પાસે કંપનીની 18 ટકા ભાગીદારી છે.